Charter Document - 07510278
| Charter Number: | 07510278 |
|---|---|
| Cartulary Title: | The Register and Records of Holm Cultram |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus servus servorum Dei venerabilibus fratribus Karliolensi et Glasguensi episcopis et dilectis filiis archidiaconis et officialibus eorum salutem et apostolicam benedictionem Gravem dilectorum filiorum abbatis et conventus de Holmcoltram Cisterciensis ordinis Karliolensis dioecesis recepimus questionem quod cum ipsi de suis injuria torribus vel debitoribus coram vobis singulariter tanquam locorum ordinariis conqueruntur vos non prius eis vultis de his justiciam exhibere quam de prosequenda finaliter coram vobis lite presenti fidejussoriam cautionem et si has querelas contingat amicabili compositione sopiri vel eosdem abbatem et conventum in probatione deficere vos eorum fidejussoribus penam pecuniariam indebite petitis prout inter laicos alicubi fieri consuevit et contra justiciam extorquetis propter quod idem abbas et conventus ad sedis apostolice providentiam recurrentes nobis humiliter supplicarunt ut super hiis apponeremus consilium salutare Cum ergo hec de radice cupiditatis procedere videantur discretioni vestre per apostolica scripta mandamus quatinus dictis abbati et conventui nullam super premissis inferatis de cetero molestiam vel gravamen Ita quod in foro vestro gratis reddatur justitia et debitus juris ordo servetur et nos propter hoc vobis aliter scribere non cogatis Data Lugduni iii Kalendas Novembris pontificatus nostri anno vi