Charter Document - 07510268

Clemens episcopus servus servorum Dei dilectis filiis Everardo abbati monasterii sancte Marie de Holmcoltram ejusque fratribus tam presentibus quam futuris regularem vitam professis In perpetuum religiosam vitam eligentibus apostolicum convenit adesse presidium ne cujuslibet temeritatis incursus aut eos a proposito revocet aut robur quod absit sacre religionis infringat Ea propter dilecti in Domino filii justis postulationibus clementer annuimus et prefatum monasterium sancte Dei genetricis et virginis Marie de Holmcoltram in quo divino mancipati estis obsequio sub beati Petri et nostra protectione suscepimus et presentis scripti privilegio communimus In primis siquidem statuentes ut ordo monasticus qui secundum Domini et beati Benedicti regulam et institucionem Cisterciencium fratrum in eodem monasterio constitutus esse dinoscitur perpetuis ibidem temporibus inviolabiliter observetur Preterea quascunque possessiones juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant In quibus propriis duximus exprimenda vocabulis Ex dono illustrissimi regum Anglorum Henrici Dei gratia filii ejus totam insulam de Holm et Rabi cum pertinentiis suis scilicet per has divisas per rivulum qui currit subtus Kirkebride inter exterius fossatum monachorum et villam de Kirkebride et cadit in Wachepol et sic ascendendo per eundem rivulum deforis predictum fossatum usque ad Cokkelayk semper sicut dura terra et mussa sibi invicem obviant et inde ascendendo in directum usque ad medietatem musse que est inter Waycheholm et insulam sancti Laurentii et inde per transversum musse et nemoris usque ad Ainterpont et inde descendendo per Waver ad locum ubi Waver et Crombot sibi obviant et inde ascendendo per Crombot usque ad locum ubi rivulus de Wytekeld cadit in Crombot et inde ascendendo per ipsum rivulum usque ad ipsum Wytekelde et inde in directum versus occidentem usque ad sicam que circuit Midillrigg ex septentrionali et occidentali parte et cadit in Polneuton usque ad locum ubi Polneuton cadit in mare et inde per circuitum maris usque ad locum ubi Wachepol cadit in mare et sic ascendendo per Wachepol usque ad locum ubi predictus rivulus qui currit subtus Kirkebride cadit in Wachepol et quicquid infra predictas divisas continetur grangias et possessiones et liberos introitus et exitus de abbatia et locis vestris infra et extra predictas divisas ubique per mare et per terram per sablones et per vastum es per visnetum et maremium et petram in tota foresta de Englesbad et pasturam et mansuras vestras infra muros de Kalo et omnia alia aysiamenta et consuetudines cum libertatibus omnibus a prefatis illustribus regibus vobis indultis et ipsorum cartis confirmatis Extra insulam de Holm ex dono Cospatricii filii Ormi et Thome filii Cospatricii terram et grangiam de Flenningby cum omnibus pertinenciis suis et communem pasturam cum vicinis loci illius sicut in eorundem donatorum cartis continetur Capellam quoque in eadem Flenningby et terram que fuit capelle pro qua mater ecclesia recepit escambium ad valentiam a prefato Cospatricio possessore fundi favente tunc temporis persona Adam et cessionem decimarum predicte capelle eodem Adam favente vobis inperpetuum et Roberto archidiacono tunc temporis dioecesano vacante episcopatu idem testibus adhibitis carta sua confirmante coram quampluribus tam clericis quam laicis Ex dono etiam ejusdem Cospatricii terram de Kelton cum omnibus aysiamentis et pertinenciis suis sicut in ejusdem carta continetur Libertates insuper ejusdem terre ex dono Willielmi comitis et Cecilie comitisse Albemarlie sicut in eorundem cartis continetur Ex dono Thome filii Cospatricii unum rete in Derwent cum visneto et unam piscariam in Derwent et unam maysuram in ripa ejusdem fluminis sicut carta ejusdem testatur terram quoque et grangiam in territorio de Kirkebythore cum omnibus pertinentiis et libertatibus sicut carte donatorum testantur Libertates quoque ejusdem terre ex dono illustris Anglorum regis Ricardi vobis indultas et ipsius carta confirmatas Insuper in Hibernia quicquid comes Ricardus et Johannes de Curcy et alii nobiles pietatis intuitu vobis et domui vestre rationabiliter contulerunt et suis cartis munierunt vobis nihilominus auctoritate apostolica confirmamus Sane laborum vestrorum quos propriis manibus aut sumptibus colitis tam de terris cultis quam de incultis sive de ortis et virgultis vestis vel de in crementis animalium vestrorum nullus a vobis decimas exigere vel extorquere presumat Liceat quoque vobis clericos laicos a seculo fugientes liberos et absolutos ad conversionem recipere et eos absque contradictione aliqua retinere Prohibemus insuper ut nulli vestrorum post factam in eodem loco professionem fas sit absque abbatis sui licentia de eodem loco discedere discedentem vero absque communium literarum cautione nullus audeat retinere quod si quis forte retinere presumpserit liceat vobis in ipsos monachos vel conversos sententiam proferre regularem Illud districtius prohibentes ne terras seu quodlibet beneficium ecclesie vestre collatum liceat alicui personaliter dari sive alio modo alienaris absque consensu totius capituli vel majoris vel sanioris partis ejusdem Si que vero donationes sive alienationes aliter quam dictum est facte fuerint eas irritas esse censemus Ad hec etiam prohibemus ne aliquis monachus vel conversus sub professione domus vestre astrictus sine assensu et licentia abbatis et majoris partis capituli vestri pro aliquo fidejubeat vel ab aliquo pecuniam mutuo accipiat ultra pretium capituli vestri providentia statutum nisi propter manifestam domus vestre utilitatem quod si facere presumpserit non teneatur pro hiis aliquatenus respondere Licitum sit vobis preterea in causis vestris sive civilem sive criminalem contineant questionem fratrum vestrorum testimoniis uti ne per defectum testium jus vestrum possit in aliquo deperire Insuper auctoritate apostolica prohibemus ut nullus episcopus vel alia persona ad sinodos vel conventus forenses vos ire vel judicio seculari de propria substantia vel possessionibus subjacere compellat nec ad domus vestras causa ordines celebrandi causas tractandi vel aliquos publicos conventus convocandi venire presumat nec regularem abbatis vestri electionem impediat aut de instituendo seu removendo eo qui pro tempore fuerit contra statuta Cisterciensis ordinis et auctoritatem privilegiorum vestrorum se nullatenus intromittat Si vero episcopus in cujus parochia domus vestra fundata est cum humilitate ac devotione qua convenit requisitus substitutum abbatem benedicere et alia que ad officium episcopale pertinent vobis conferre renuerit licitum sit eidem abbati si tunc sacerdos fuerit proprios novicios benedicere et cetera que ad suum officium exercere et vobis omnia ab alio episcopo percipere que a vestro indebite fuerint denegata illud adjicientes ut in recipiendis professionibus que a benedictis vel benedicendis abbatibus exhibentur ea sint episcopi forma et expressione contenti que ab origine ordinis nostri sunt instituta et hactenus observata ut scilicet abbates episcopis salvo ordine suo presentari debeant et contra statuta ordinis apostolice sedis privilegio roborata nullam professionem facere compellantur Pro consecrationibus vero altarium vel ecclesiarum sive pro oleo sancto vel quolibet ecclesiastico sacramento nullus a vobis sub obtentu consuetudinis vel alio modo quicquam audeat extorquere sed hec omnia gratis vobis episcopus dioecesanus impendat alioquin liceat vobis quemcumque malueritis catholicum antistitem adire gratiam atque communionem sacro sancte Romane sedis habentem qui nostra fretus auctoritate quod postulatis vobis impendat Quod si sedes dioecesani episcopi forte vacaverit interim omnia ecclesiastica sacramenta a vicinis recipere episcopis libere et absque contradictione possitis sic tamen ut ex hoc in posterum propriis episcopis nullum prejudicium generetur Quia vero propriorum interdum episcoporum copiam non potestis habere si quem episcopum Romane sedis communionem habentem de quo plenam notitiam habeatis per vos transire contigerit ab illo benedictiones vasorum et vestium consecrationes altarium ordinationes monachorum auctoritate sedis apostolice recipere valeatis Porro si episcopi vel alii ecclesiarum rectores in monasteria vestra vel personas inibi constitutas sive in mercenarios vestros pro eo quod decimas non solvitis vel aliqua occasione eorum que ab apostolica benignitate vobis indulta sunt seu benefactores vestros pro eo quod aliqua vobis beneficia vel obsequia ex caritate prestiterint suspensionis excommunicationis vel interdicti sententiam promulgaverint eandem sententiam tanquam contra apostolice sedis indulta prolatam decernimus irritandam nec ulle litere firmitatem habeant que tacito Cisterciensium contra tenorem apostolicorum constiterint impetrate Cum vero commune interdictum terre fuerit liceat vobis clausis januis exclusis excommunicatis et interdictis divina officia celebrare Paci quoque et tranquillitati vestre paterna in posterum solicitudine providere volentes auctoritate apostolica prohibemus ne quis infra clausuram locorum seu grangiarum vestrarum violentiam vel rapinam seu furtum facere hominem capere vel interficere ignem apponere vel sanguinem fundere aliqua temeritate presumat Preterea omnes immunitates et libertates a predecessoribus nostris pie recordationis Innocencio Eugenio Alexandro Lucio Urbano et Gregorio Romanis pontificibus ordini vestro concessas etiam libertates et exemptiones secularium exactionum a regibus et princibus patrocinio communimus Decernimus ergo ut nulli omnino hominum liceat prefatum monasterium temere perturbare aut ejus possessiones auferre vel ablatas retinere seu quibuslibet vexationibus fatigare sed omnia integra conserventur eorum pro quorum gubernatione et sustentatione concessa suis usibus omnimodis profutura salva in omnibus apostolice sedis auctoritate Si qua ergo in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi reatum suum congrua satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sanctissimo corpore et sanguine Dei et Domini redemptoris nostri Jesu Christi aliena fiat atque in extremo divine ulcioni subjaceat Cunctis autem eidem loco jura sua servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen Data anno incarnationis dominice MCXC