Charter Document - 07510267
| Charter Number: | 07510267 |
|---|---|
| Cartulary Title: | The Register and Records of Holm Cultram |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1280 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Sciatis nos abbatem et conuentum de Holmcultran terras suas homines suos et vniuersas eorundem possessiones ac omnia bona sua mobilia et immobilia ecclesiastica et mundana que habent infra regnum nostrum naues etiam suas cum nautis et ceteris hominibus et bonis suis in eisdem nauibus contentis et existentibus vbicumque infra regnum nostrum applicuerint et infra limites regie nostre potestatis tam in mari quam extra sub firma pace et speciali proteccione nostra iuste suscepisse Quare firmiter prohibemus ne quis eis malum molestiam iniuriam aut grauamen aliquod inferre presumat iniuste super nostram plenarium foris facturam Damus etiam eidem abbati et conuentui licenciam nostram specialem ubicumque infra regnum nostrum emendi per conuersos et etiam seruientes suos ea que vsui proprio sibi fuerint necessaria ita libere et plenaria sicut ceteri viri religiosi de regno nostro necessaria sua infra regnum nostrum venantur Exceptis modo et vsu mercandi Testibus Alexandro Cumyn comite de Buchan constabulario et justiciario Scocie Willelmo de Sules justiciario Laudonie Reginaldo le Chen patre Symone Fraser Willelmo de Sancto Claro apud Scon primo die Aprilis anno regni nostri tricesimo primo