Charter Document - 07510139
| Charter Number: | 07510139 |
|---|---|
| Cartulary Title: | The Register and Records of Holm Cultram |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1222 - 1227 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis presens scriptum visuris vel audituris Walterus divina miseratione Candide Case episcopus et Johannes ejusdem loci archidiaconus et abbas de Glenlus Cisterciensis ordinis Candide Case dioecesis salutem in salutis Auctore mandatum domini pape hec verba suscepimus [] Hujus ergo auctoritate mandati ad instantiam dicti episcopo Glasguensis monachos de Holmo ad nostram fecimus presentiam more judiciario citari quorum procuratore in nostra presentia constituto prefatus episcopus suam intentionem fundavit in pleno judicio dicens capellam de Kirkgunny ecclesiam fuisse parochialem respondentem episcopis Glasguensibus in procurationibus visitationibus et jurisdictione et hec omnia nomine ecclesie sue petiit a monachis de Holm sibi et ecclesie sue de Glasgou plene restitui Sic inquam partibus in nostra presentia legitime comparentibus et cum debita solemnitate juris ad agendum et transigendum sufficienter institutis post multas altercationes hinc inde habitas lis inter partes hoc fine quievit scilicet quod prefatus episcopus Glasguensis predictum locum de Kirkewynny et capellam Sancti Wynnini in eo sitam ob favorem religionis concessit monachis de Holm liberam et quietam ab omnibus episcopalibus et ab omni exactione et parochiali ob noxitate habendam et possidendam pacifice et quiete secundum tenorem concessionis bone memorie Jocelini episcopi Glasguensis et confirmationis domini Innocencii pape quas inde habent monachi prenominati Nos autem de assensu partium voluntario et ad instantiam illorum dictam compositionem approbamus ratam habemus et apostolica auctoritate qua in ea causa fungimur confirmamus eandem Et ad ipsius compositionis firmitatem nos sigillum in nostra presentia ad majus testimonium et plenam securitatem huic instrumento fecimus adhiberi Sine data aut testibus sed papa hic nominatus erat Honororius quartus et sextus annus pontificatus ejus fuit annus Domini MCCXCI Vide bullam Innocentii pape super hac capella de Kirkewynny supra inter bullas papales hujus abbatia