Charter Document - 07491003
| Charter Number: | 07491003 |
|---|---|
| Cartulary Title: | Cartularium Comitatus de Levenax |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1272 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus totius terre sue clericis et laicis salutem Sciant presentes et futuri nos dedisse et hac presenti carta nostra confirmasse dilecto et fideli nostro Malcolmo comiti de Levenax illas terras cum pertinentiis videlicet ab Ester Douglas usque ad Fehyn et ab Fehyn usque ad Keryn et sicut Keryn descendit in Phale et deinde usque ad aquam que dicitur Gall et sicut idem Gall defendit in lacu et ab eodem lacu usque ad Fynobhyn sicut defendit in Fortht et ab eodem Fynobhyn usque ad metam orientalem de Cremennane et ab eadem predicta usque ad rivulum qui dicitur Melych et a dicto rivulo de Melych usque ad Keryn in liberam forestam Tenendas et habendas totas dictas terras cum pertinentiis dicto Malcolmo et heredibus suis de nobis et heredibus nostris in feodo et hereditate adeo libere et quiete in omnibus et per omnia sicut alique terre in toto regno Scotie in liberam forestam alicui mortali liberius dari possunt vel concedi Quare firmiter inhibemus ne quis in eadem terra predicta sine ipsius Malcolmi et suorum heredum licentia speciali fecit aut venetur in contradictione juris dicte libere foreste super nostram plenarium foris facturam decem librarum Testibus Alexandro Comyne comite de Buchan Donaldo de Mar Willielmo Comyne Ricardo de Montealto Willielmo Bisset et aliis Apud Kyntor sexto die Julii anno regni nostri vicesimo tertio