Charter Document - 07490002
| Charter Number: | 07490002 |
|---|---|
| Cartulary Title: | Cartularium Comitatus de Levenax |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1309 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gratia Rex Scottorum omnibus probis hominibus totius terre sue clericis et laicis salutem Sciatis quod concessimus hereditarie Malcolmo comiti de Levenax officium vicecomitis de Clackmannan ad faciendum omnia et singula que ad dictum officium secundum leges et consuetudines regni nostri juste debeant pertinere Quare mandamus omnibus et singulis quorum interest quatenus prefato Malcolmo et heredibus suis tanquam vicecomitibus de Clackmannan in premissis sint intendentes et audientes In cujus rei testimonium presenti carte nostre sigillum nostrum precepimus apponi Testibus domino Gilberto cancellario nostro Gilberto de Haya Roberto de Keyth et Willielmo de Veteriponte militibus Apud Sanctum Andream [ii] die Novembris anno regni nostri quarto