Charter Document - 07490001
| Charter Number: | 07490001 |
|---|---|
| Cartulary Title: | Cartularium Comitatus de Levenax |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1238 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus totius terre sue clericis et laicis salutem Sciant presentes et futuri nos dedisse concessisse et hac presenti carta nostra confirmasse Maldoveno filio Alwini comitis de Levenax comitatum de Levenax quem pater ejus tenuit cum omnibus justis pertinentiis suis excepto castro de Dunbretane cum terra de Murrach et cum toto portu et cum tota aqua et piscaria ex utraque parte fluminis de Levyne quantum terra de Murrach se extendit et cum omnibus aliis ad predictam terram juste pertinentibus que predicta ex consensu et bona voluntate ipsius Maldoveni comitis in manu nostra retinuimus Tenendum sibi et heredibus suis de nobis et heredibus nostris in feodo et hereditate in bosco et plano in terris et aquis in pratis et pascuis in moris et mariscis in stagnis et molendinis cum sacca et socco cum furca et fossa cum thole et theame et infangandthef ita libere et quiete sicut aliqui comites nostri comitatus suos liberius et quietius de nobis tenent et possident Faciendo inde forinsecum servitium quod pertinet ad [alias nostras] planarios villas in exercitibus et auxiliis Testibus Gilberto Dunkeldensi et Celestino Dumblahanensi episcopis Adam abbate de Melros Waltero filio Alani senescallo Scotie Waltero Olifard justitiario Laudonie Patricio comite de Dunbar Willelmo de Ros Roberto de Ros Adam Hostiario Waltero Byssat W Sowles Johanne de Maxwel Johanne de Haya Thome de Haya Alexander de Dusglas Ricardo Vinet Apud Selkrig vicesimo octavo die Julii et anno regni domini Regis vicesimo quarto