Charter Document - 07480029
| Charter Number: | 07480029 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1273 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus presens scriptum visuris vel audituris Simon de Balran Filius et heres Johannis de Balran Salutem Noverit universitas vestra quod anno gratie Millesimo Ducentesimo septuagesimo tertio die Jovis proxima post festum Sancti Leonardi in ecclesia parochiali de Abirdoure coram venerabili in Christo patre Domino Roberto Dei gratia Dunkeldensi episcopo et aliis perpluribus viris fide dignis post motam controversiam inter me et Abbatem de Insula Sancti Columbe et eiusdem loci conventum supra terram de Leys tandem de consilio amicorum meorum in hunc modum conquievi et condescendi videlicet Quod ego Simon de Balran filius et heres Johannis de Balran pro me et heredibus meis totam dictam terram de Leys cum omnibus pertinentiis libertatibus et aisiamentis ad dictam terram spectantibus predictis Abbati et conventui et eorum successoribus inperpetuum concessi et quietam clamavi et totum ius et clameum que in dicta terra me dicebam habere vel aliquo tempore ad me vel heredes meos aliquo casu poterunt pertinere eisdem Abbati et conventui et eorum successoribus penitus resignavi et quietam clamavi Ut ipsi habeant teneant et possideant dictam terram de Leys inperpetuum sine inquietatione aut molestia aliqua per me vel heredes meos dictis abbati et conventui vel eorum successoribus aliquo tempore inferenda et venditionem illam quam avus meus et pater meus de predicta terra eisdem abbati et canonicis olim fecerunt et omnia instrumenta que de dicta terra habent pro me et heredibus meis inperpetuum Ratificari et hoc presenti scripto meo confirmavi Recipiendo pro toto iure meo competente et impostorum competitura propter bonum pacis a dictis abbate et conventu Quadraginta marcas argenti Quas fateor mihi in pecunia numerata plenaria fuisse solutas Et ad istam concessionem et quietam clamationem inperpetuum observandam Sigillum venerabilis patris dicti Roberti Dei gratia Dunkeldensis episcopi una cum sigillo meo presenti scripto est appensum