Charter Document - 07480028
| Charter Number: | 07480028 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1266 - 1281 |
| Date type: | Assigned |
| Resource Link(s): |
People of Medieval Scotland |
Charter:
Omnibus Sancte matris ecclesie fidelibus presens scriptum visuris vel audituris Margeria de Lascelis salutem in Domino Noveritis me in ligia potestate mea et viduitate de consenu et voluntate Domini Alexandri de Moravia filii mei et heredis pro salute anime mee et pro animabus omnium antecessorum et successorum meorum dedisse concessisse et hac presenti carta mea confirmasse Deo et ecclesie Sancti Columbe de Insula et canonicis ibidem Deo servientibus et inperpetuum servituris viginti solidos argenti in villa mea de Baledmonde Singulis annis percipiendos de firma eiusdem ville per manum illius qui dictam villam pro tempore tenuerit ad duos anni terminos scilicet decem solidos ad festum Sancti Martini in hieme et decem solidos ad Penthecosten Quare volo et concedo ut predicti canonici dictos viginti solidos in villa prenominata de Baledmonde adeo libere quiete plenaria et honorifice de me et heredibus meis in liberam puram et perpetuam elemosinam sine aliqua inquietatione et contradictione habeant et possideant inperpetuum sicut aliqua elemosina in regno Scocie melius quiecius et honorificencius datur et possidetur Ego vero Margeria et heredes mei dictos viginti solidos in dicta villa de Baledmonde dictis canonicis contra omnes homines et feminas warantizabimus et defendemus inperpetuum