Charter Document - 07480027
| Charter Number: | 07480027 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1255 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Ricardus Dei gratia episcopus Dunkeldensis Salutem in domino Sempiternam Cum heredes Merlessuani de Ardros in Fife quicquid iuris habuerant in advocatione ecclesie de Fithkil canonicis de Insula Sancti Columbe per cartas suas concesserint et Nobilis vir Alexander Comyne comes de Bochane huic facto pro se et Thome de Melghedrum per aliquod tempus se opposuerit Tandem dictus Nobilis Vexationi dictorum canonicorum parcere volens et paupertati quicquid iuris dicebat se habere in advocatione dicte ecclesie de Fithkil pro se vel Thome de Melghedrum predictis canonicis quietum clamavit et concessit pro se et heredibus suis inperpetuum Nos igitur loci dioecesanus paupertatem dictorum religiosorum attendentes et servicium divinum in dicta Insula augmentare volentes predictam ecclesiam de Fythkil cum omnibus pertinentiis et obventionibus in usus proprios auctoritate nostra episcopali de consensu et assensu capituli nostri Dunkeldensis conferimus et confirmamus predictis canonicis inperpetuum obtinendam In cuius Rei testimonium presens scriptum Sigillo nostro una cum Sigillo capituli nostri fecimus roborari Teste capitulo