Charter Document - 07480026
| Charter Number: | 07480026 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1263 - 1272 |
| Date type: | Assigned |
| Resource Link(s): |
People of Medieval Scotland |
Charter:
Omnibus Sancte matris ecclesie filiis presens Scriptum visuris vel audituris Alexander Comine Comes de Bochone Salutem in domino Noverit universitas vestra quod cum nos viros Religiosos Abbatem et conventum de Insula Sancti Columbe coram venerabili patre Ricardo Dei gratia Dunkeldensi episcopo traxissemus in causam nomine nostro et nomine Thome de Melghedrum Super advocatione ecclesie de Fithkil vacantis per mortem magistri Johannis de Everlei quondam rectoris eiusdem cuius advocationem tam ratione dominii fundi quam concessione dicti Thome dicebamus ad nos de iure pertinere et in dictam causam per aliquot dies fuisset processum Tandem post multas altercaciones nos Deum per oculis habentes et paupertati eiusdem monasterii de Insula pia devotione compatientes ac participium orationum eiusdem monasterii affectantes eidem monasterio et canonicis ibidem Deo servientibus et inperpetuum servituris totum ius et clameum quod in advocacione eiusdem ecclesie de Fithkil tam nomine nostro proprio quam nomine dicti Thome qui ius suum nobis cessit aliquo tempore habuimus vel habere poterimus pro salute anime nostre et antecessorum et successorum nostrorum pro nobis et heredibus nostris inperpetuum dedimus concessimus et quietum clamavimus In cuius Rei testimonium presenti scripto Sigillum nostrum autenticum apponi fecimus Hiis testibus Domino Willelmo comite de Mar Waltero Comite de Menteth Waltero de Moravia David de Louchor Radulpho de Lassel tunc temporis Vicecomite de Fife Willelmo de Valencis Ricardo de Bigertoun Ricardo Camerario Johanne de Kynnere militibus Hugone de Perisby Michaele de Arnot Duncano de Crambeth Waltero de Strathanry clerico Ricardo clerico vicecomitis et aliis