Charter Document - 07480025
| Charter Number: | 07480025 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1263 - 1270 |
| Date type: | Assigned |
| Resource Link(s): |
People of Medieval Scotland |
Charter:
Omnibus ad quos litere presentes pervenerint Scolastica filia quondam Merlessuani de Ardross Salutem in Domino Noveritis me in omnibus et per omnia ratam habere et firmam pro me et heredibus meis inperpetuum concessionem illam quam Ricardus maritus meus et ego fecimus Deo et Sancto Columbe de Insula et canonicis ibidem Deo servientibus et inperpetuum servituris super toto iure patronatus ecclesie de Fithkil quod habui vel quod habere potui Et tactis sacrosanctis sponte iuravi et insuper fide media me obligavi quod nunquam contra concessionem predictam aliquo tempore quicquid de marito meo contigerit venire adtemptabo Volens et concedens pro me et heredibus quod si in aliquo contravenire at temptaverimus liceat episcopo Dunkeldensi qui pro tempore fuerit nos tanquam perjuros ab omni actu legitimo repellere et excommunicatione maiori innodare eandem non re laxaturus donec ab eorum vexatione desisteremus omnia dampna et expensas que occasione resistentie et contradictionis nostre dicti canonici incurrerint plene restituerimus Nihilominus me et heredes meos presenti scripto firmiter obligando quod quicunque nostrum dictam concessionem nostram infirmare attemptaverit aut aliquo modo infringere molitus fuerit centum libras nomine pene predictis canonicis per supradictam excommunicationis cohercionem ab episcopo faciendam absque omni contradictione persolvat Rata nihilominus prima concessione Renunciando in hac parte pro me et heredibus meis inperpetuum omni exceptioni cavillationi et omni iuris remedio canonici et civilis et omni privilegio fori competenti et competitura regie prohibicioni et privilegio crucesignatorum et omnibus impetratis et impetrandis omnibus etiam et singulis que dictis abbati et conventui et eorum successoribus nocere poterunt et nobis prodesse In cuius Rei testimonium presenti scripto Sigillum venerabilis patris Ricardi Dei gratia Episcopi Dunkeldensis Una eum sigillo meo apponi procuravi Hiis testibus Magistro Waltero electo Cathanensi tunc temporis confirmato Magistro Roberto de Stutevill decano Dunkeldensi Magistro Johanne de Evirley Archidiacono Dunkeldensi David et Thome Perth Canonicis Dunkeldensibus Domino Nicholao de Sules Magistro Jordano Lochard Hugone de Perisby Domino Johanne Capellano de Luffenoch et multis aliis