Charter Document - 07480024
| Charter Number: | 07480024 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1263 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Sancte matris ecclesie filiis presens Scriptum visuris vel audituris Prior de Dunfermeline et Decanus Dunkeldensis Judices a domino papa delegati Salutem in Domino Constitutis in presentia nostra Abbate et conventu de Insula Sancti Columbe actoribus per dominum Lambertum canonicum suum procuratorem legitime constitutum ex una parte et Willelmo de Haya domino de Lochoward reo ex altera personaliter comparente in Ecclesia conventuali de Scona questio que sperabatur moveri super terram de Caldside post citationem factam dicto Willelmo per nos in hunc modum conquievit ita videlicet quod dictus Willelmus totam terram de Caldside dedit et quietum clamavit Deo et ecclesie Sancti Columbe de Insula et canonicis ibidem Deo servientibus et inperpetuum servituris in liberam puram et perpetuam elemosinam cum divisis hactenus obtentis et omnibus pertinentiis et aisiamentis sicut eam dicti canonici liberius et quietius plenius et melius temporibus antecessorum suorum tenuerunt et possiderunt Abdicando a se et heredibus suis omnem petitionem et calumpniam que eis competit vel in futurum competere possit in predicta terra de Calsyde Vult etiam et concedit quod dicta terra de Caldside sit libera et quieta de omnibus consuetudinibus auxiliis secta curie omnimoda multura et sequela molendini et omnibus servitiis forinsecis et secularibus exigentiis et omnibus aliis que de dicta terra de se et heredibus suis sive ab aliquo homine vel femina aliquo iure exigi possint inperpetuum Ita libere et quiete plene et honorifice bene et in pace sicut aliqua elemosina in regno Scocie liberius et melius datur et possidetur Dictus vero Willelmus pro se et heredibus suis fideliter promisit quod dictam terram de Caldside cum suis divisis hactenus obtentis et cum suis pertinentiis et aisiamentis hucusque habitis predicto monasterio et canonicis ibidem Deo servientibus et servituris inperpetuum contra omnes homines et feminas warantizabunt et defendent Et ut predicta robur firmitatis obtineant Dictus Lambertus nomine abbatis et conventus et dictus Willelmus pro se et heredibus suis iurisdictioni et cohercione nostre se supposuerunt ita quod partem quamcunque volentem resilire ab aliquo in presenti instrumento contento eandem partem per censuram ecclesiasticam ad eius observationem sine cause cognitione et strepitu iudiciali possumus compellere In cuius Rei testimonium ad instantiam dicti Willelmi Signa nostra una cum sigillo ipsius Willelmi sunt appensa Datum apud Sconam Dominica prima post festum Trinitatis Anno gratie Millesimo Ducentesimo sexagesimo tertio