Charter Document - 07480023
| Charter Number: | 07480023 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1256 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus hoc Scriptum visuris vel audituris Decanus et capitulum Dunkelden Salutem in domino Noveritis nos de communi consensu et assensu nostro concessisse et hac carta nostra confirmasse Deo et Sancto Columbe de Insula Emonia et canonicis ibidem Deo servientibus illam donationem viginti solidorum quos venerabilis pater noster Ricardus Dunkeldensis episcopus eis dedit in ecclesia de Caramunde Singulis annis percipiendos per manus ministrantis in eadem ad sustentationem viginti cereorum ardentium coram magno altari in predicta Insula vigilia et die Sancti Columbe annuatim Quare volumus et concedimus ut dicti canonici dictos viginti solidos adeo libere et quiete annuatim recipiant Sicut carta predicti Ricardi patris nostri inde confecta testatur In cuius Rei testimonium huic scripto Sigillum nostrum commune fecimus apponi Teste capitulo Datum apud Dunkeld Die mercurii proximo ante festum Sancti Johannis Baptiste Anno gratie Millesimo Ducentesimo Quinquagesimo Sexto