Charter Document - 07480022
| Charter Number: | 07480022 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1251 - 1272 |
| Date type: | Assigned |
| Resource Link(s): |
People of Medieval Scotland |
Charter:
Omnibus Sancte matris ecclesie filiis et fidelibus istas literas visuris vel audituris Ricardus Dei miseratione ecclesie Dunkeldensis minister humilis eternam in domino salutem Noverit universitas vestra nos divine caritatis intuitu de communi consensu capituli nostri concessisse et hac carta nostra confirmasse Deo et ecclesie Sancti Columbe de Insula et canonicis ibidem Deo servientibus et servituris inperpetuum ecclesiam de Rossive in proprios usus suos totaliter convertendam cum capella de Logyn et terram ad eandem pertinentem et ecclesiam de Ochtirtule cum terra et omnibus suis pertinentiis et eum omnibus obventionibus oblationibus decimis et omnibus aliis ad easdem juste pertinentibus Confirmamus etiam eis ecclesias de Dalgathin et de Aberdour cum capella de Beth similiter in suos usus proprios convertendas cum eisdem libertatibus cum quibus a retroactis temporibus huiusque eas tenuerunt cum viginti solidis in ecclesiam de Caramunde singulis annis percipiendis quos eis contulit bone memorie Galfridus predecessor noster ad in censendum corpus Christi in elevatione Ipsi quidem canonici pro loco et tempore presentabunt ydoneos capellanos secundum defectum temporis nostri qui curam animarum ab episcopo recipiant et eidem de spiritualibus respondeant Preterea terras et tenuras quas habent in dioecesi nostra ex donatione regum et pontificum sive baronum plenaria confirmamus eisdem tenendas sibi inperpetuum ita libere quiete et honorifice sicut aliqua ecclesia in regno Scocie aliquas possessiones liberius et quietius et honorificentius tenent vel possident Et in huius Rei testimonium presenti scripto sigillum nostrum una cum sigillo capituli nostri apponi fecimus Teste capitulo