Charter Document - 07480021
| Charter Number: | 07480021 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1252 - 1253 |
| Date type: | Assigned |
| Resource Link(s): |
People of Medieval Scotland |
Charter:
Cum mota esset contentio inter Abbatem et conventum de Insula Sancti Columbe ex una parte et Nessonem de Balmakmole et Sibillam eius uxorem et Simonem de Foreth et Cristianam eius uxorem ex altera super omnimoda multura reparacione fabrica stagni et molendini de Abirdoure et sequela eiusdem ratione terrarum de Balmachmole et de Montequi mediantibus Petro Dei gratia Episcopo Abirdenensi Domino Johanne Abbate de Dunfermeline Domino Johannis priore eiusdem loci Domino Roberto de Rossive Magistro Rogero de Derby et multis alis in hunc modum amicabiliter conquievit videlicet quod dicti Nesso et eius uxor et Symon et eius uxor pro se et heredibus suis dederunt concesserunt et hac presenti scriptura confirmaverunt dicetis Abbati et conventui et eorum successoribus inperpetuum decem solidos annuos argenti Solvendos eisdem ad duos terminos anni scilicet ad festum Sancti Martini quinque solidos et quinque solidos ad Penthecosten sine omni dilatione per manus illorum vel illius qui dictas terras pro tempore tenuerint recipiendos Subicientes se et heredes suos ac omnia bona eorum mobilia et immobilia ubicumque fuerint inventa iurisdictioni et potestati Domini Dunkeldensis episcopi vel eius archidiaconi qui pro tempore fuerint ut ipsi vel eorum alter qui super hoc fuerint requisiti sine strepitu iudiciali et cause cognitione per sententiam excommunicationis vel interdictum ordine iuris non observato possint compellere ipsos ad solutionem plenarium predictorum denariorum singulis terminis supradictis faciendam Renunciantes in omnibus omni exceptioni cavillacioni dolo et fraudi et maxime Regie prohibitioni et cuiuslibet fori et iuris canonici et civilis remedio quod eis et eorum heredibus possit competere ad defensionem Pro hac autem concessione Dicti abbas et conventus quieta clamaverunt dictis Nessoni et Simoni et eorum uxoribus et eorum heredibus et eorum hominibus in dictis terris inhabitantibus omnimodam multuram reparacionem fabricam stagni et molendini de Abirdoure et sequelam eiusdem et omnia alia que spectant ad communitatem dicti molendini inperpetuum Ratione predictarum terrarum ita tamen quod nec Nesso nec eius uxor nec Simon nec eius uxor nec eorum heredes nec aliquis nomine eorum in dictis terris de Balmakolis et de Montequi quodcunque molendinum possint construere vel edificare sed liceat eis et eorum heredibus ac hominibus earundem terrarum alibi ubicumque voluerint bladum suum molere Si autem ad molendinum de Abirdoure molere noluerint satisfacient molendariis dicti molendini prout melius poterunt Hanc autem compositionem firmiter observandam tam dicti abbas pro se et conventu suo quam Nesso et Simon et eorum uxores pro se et heredibus suis fide media se obligaverunt In cuius rei testimonium parti illi Scripture in modum chirographi confecte quo residet penes Abbatem et conventum appensa sunt signa venerabilium patrum Petrus Dei gratia episcopi Abirdonensis et Ricardi eadem gratia Episcopi Dunkeldensis Necnon et abbatis de Dunfermeline una cum signis dictorum Nessonis et Simonis Et parti que remanet penes Nessonem et Simonem apposita sunt Signa Venerabilis patris Aberdonensis Episcopi et venerabilis patris Episcopi Dunkeldensis necnon signum commune Abbatis et conventus de Insula una cum signo Abbatis de Dunfermeline