Charter Document - 07480019

Cum mota articulata controversia inter abbatem et conventum de Insula Sancti Columbe ex una parte et nobilem virum Vilelmum de Hercht dominum de Fordell ex altera super divisis more de Boclavy et de Fordell et terrarum earundem Convocatis amicis necessariis utriusque partis super dictam moram venerabili viro Galfrido de gracia episcopo Dunkeldensi magistro Roberto de Leicester decano Aberdonensi domino Willelmo de Veteri ponte milite Thome de Montgall Willelmo Brechin et aliis viris quam plurimis discretis et fide dignis de eorum consilio Iis nunc inter eos mota super dictis divisis sine competenti conquierevit convenientibus enim ibidem partibus cum viris supradictis et requisita diligenter certitudine divisarum illius more et terrarum cum nec per vivam vocem vicinorum nec per metas nec per aliqua certa locorum indicia satis plani eis possent constare super eisdem habito consilio dictorum domini episcopi et aliorum amicabiliter inter se composuerunt certas metas et divisas patenter limitatas inter illas terras sibi et successoribus suis constituentes inperpetuum Ad quas quidem divisas tam dominus episcopus quam ceteri viri supradicti personaliter accedentes certis metis crucibus et lapidibus patenter signari fecerunt Incipiendo a vado quod dicitur Hollefurd ascendendo per illud svketh quod est ex occidentali parte Glasgely usque ad crucem juxta pontem canonicorum que ducit ad petariam de Glasgely que est canonicorum Et de illa cruce usque ad altam stratam et per illam altam stratam usque ad syketh illud que circuit lie Grenhill Et de pede illius Grenhill usque ad pedem de Blakhill sicut acervi lapidum ibi positi demonstrant usque ad antiquum pontem qui [lege inter] fontem et petariam de qua quondam fuit contentio Et de ponte per unam semitam que est in capite fontis et ducit ad latam viam directe versus austrum usque ad crucem que stat super matrem syketh Et de illa cruce sicut illud mater syketh cadit in Rereford Et sciendum quod abbas et conventus et eorum homines liberum habebunt transitum ab illa cruce que stat super matrem syketh ex transverso usque ad altam stratam que ducit de Dunfermling ad carras et caretas et averia sua libere et sine impedimento salva indemnitate segetum dicti Willelmi Item per rivolum qui cadit de Rerefurd usque ex opposito de Hakenheuid et de Hakenheuid usque ad acervum lapidum qui dicitur carne versus occidentem Et de illo carne versus austrum per acervos lapidum usque ad magnum lapidem rotundum Et ab illo lapide per acervos lapidum usque ad illud syketh quod cadit in petariam de Coleistoun Hanc autem compositionem et has divisas sicut hic scriptum est tam dominus abbas pro se et conventu et eorum successoribus quam dictus dominus Willelmus pro se et heredibus suis firmiter et fideliter observare in manu dicti domini episcopi affidaverunt similiter et tactis sacrosanctis juraverunt obligaverunt etiam se jurisdictioni domini episcopi et successorum eiusdem qui pro tempore fuerint quod omni exceptione cavillatione et appositione postpositis renunciantes omni beneficio juris et privilegio fori omnibus impetratis et impetrandis si alter eorum contra istam compositionem in aliquo venire presumpserint personam eius instanter excommunicent et eius terram interdicant sub pena quadraginta librarum quas dictam conventionem observanti conventionem istam non observantem sub eadem obligatione reddi faciant indilate eandem compositionem nihilominus plenam per eandem obligationem facientes observari In cuius rei testimonium huic scripto sigilla sua alternatim apposuerunt unacum sigillis domini nostri Alexander dei gratia regis Scottorum et domini episcopi Dunkeldensis