Charter Document - 07480018
| Charter Number: | 07480018 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1239 |
| Date type: | Internal, A.D. |
| Resource Link(s): |
People of Medieval Scotland |
Charter:
Cum coram venerabili Patre Othone Dei gratia Sancti Nicholai in Carcere Tullii Diacono cardinali et apostolice sedis legato mota esset controversia inter Dominum Galfridum Episcopum Dunkeldensem et eiusdem loci capitulum ex una parte et Merlessuanum filium Waldevi ex altera super iure patronatus ecclesie de Fithkil Tandem post multas altercationes de predicta legati licentia subiecerunt se partes ordinationi virorum discretorum Domini Clementis Dumblanensis episcopi et Magistri Petri de Rameseia et Magistri Petri de Castro Theodorici precentoris Dunkeldensis et Magistri Willelmi de Cuninghame qui quatuor bonum pacis secundum Deum affectantes diligenter inquisita veritate secundum partium conscientias in hunc modum ordinaverunt videlicet quod ius patronatus ecclesie de Fithkil cum pertinentiis suis remaneat dicto Merlessuano et heredibus suis inperpetuum Dictus vero Merlessuanus pro se et heredibus suis concedat dictam ecclesiam de Fithkil prebendari in ecclesia Dunkeldensi post cessionem vel decessum Magistri Johannis de Everley Rectoris eiusdem ecclesie Ad quam prebendam dictus Merlessuanus et heredes sui pro tempore personam ydoneam in canonicum episcopo Dunkeldensi presentabunt qui canonicus singulis annis post cessionem vel decessum predicti Johannis dabit com[m]une ecclesie Dunkeldensi decem marcas salvis episcopalibus Preterea ordinaverunt quod Magister Johannes de Evirley Ecclesiam de Fithkil toto tempore suo ex iure patronatus dicti Merlessuani et eius presentationem habebit Ad hec omnia fideliter observanda utraque pars fide media Episcopus pro se Decanus pro se et capitulo Merlessuanus pro se et heredibus suis sub pena mille marcarum solvendarum parti servanti dictam ordinationem a parte volente resilire se obligavit Rata et firma manente nihilominus predicta ordinatione In cuius Rei testimonium predicti ordinatores presenti scripto et alii scripto eiusdem tenoris Sigilla sua apposuerunt facientes etiam apponi Sigilla partium ut quilibet pars habeat unum scriptum Sigillis ordinatorum et adverse partis roboratum Et ne frivola sit predicte ordinationis transgressio partes se inperpetuum subiecerunt in hac parte iurisdictioni episcopi Sancti Andree ut ipse dictas partes ad hec omnia fideliter observanda per censuram ecclesiasticam possit compellere Actum anno Domini Millesimo Ducentesimo tricesimo nono apud Kelehou Hiis testibus Malcolmo Comite de Fife Waltero senescallo iusticiario Scocie Hugone Abbate de Culenross Laurentio de Abirnethin Malcolmo de Levenahus Waltero de Rothven Nicholao de Sules et multis aliis