Charter Document - 07480017
| Charter Number: | 07480017 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1236 - 1249 |
| Date type: | Assigned |
| Resource Link(s): |
People of Medieval Scotland |
Charter:
Omnibus has literas visuris vel audituris Johannes Avenell filius Gervasii Avenell eternam in Domino Salutem Noverit universitas vestra me divine pietatis intuitu dedisse et concessisse et hac presenti carta mea confirmasse Deo et ecclesie Sancti Columbe de Insula et canonicis ibidem Deo servientibus et inperpetuum servituris pro anima mea et pro animabus omnium antecessorum et successorum meorum medietatem terre mee quam ego de Warino filio Roberti Anglici tenui in territorio de Dodyngstone cum omnibus aisiamentis et libertatibus ad dictam terram pertinentibus sicut plenius continetur in carta dicti Warini mihi inde confecta Et preterea ut liberam habeant multuram de blado quod exit de predicta terra sicut in carta patris mei Domini Gervasii Avenell mihi melius et plenius conceditur Salvo servitio forinseco domini regis ad illam terram pertinente Et salva dimidia libra cumini dicto Warino et heredibus suis ad festum Sancti Jacobi pro omnibus servitiis et de mandis que eis de dicta terra contingere poterunt Hiis testibus Domino Galfrido Dei gratia Dunkeldensi episcopo Magistro Willelmo de Edenhame Archidiacono Dunkeldensi Domino Abraham vicario de Abireorne Domino Rogero de Mubrey Domino Johanne de Strivelyne Domino Nigello de Mowbrey Domino Helia de Dundas []