Charter Document - 07480015
| Charter Number: | 07480015 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1233 |
| Date type: | Internal, A.D. |
| Resource Link(s): |
People of Medieval Scotland |
Charter:
Anno ab incarnatione domini Millesimo ducentesimo tricesimo tercio Controversia que vertebatur inter dominum Henricum Abbatem et conventum de insula Sancti Columbe ex una parte Et Robertum de Rossive et Rogerum de Balmakmolle et Cristianam uxorem suam sororem predicti Roberti ex altera super multura de Collstoun et de Balmakmole et de Montequi quam predicti canonici petebant tali fine sopita est coram Willelmo Abbate de Dunfermeline et Henrici Priore de Colenros et Magistro Petro de Ramseya et Johanne de Haya tunc temporis vicecomite de Fife et Archibaldo de Dowglas ita videlicet quod predictus Robertus et heredes sui dabunt singulis annis predictis canonicis pro multura terre sue de Collstoun inperpetuum octo solidos annuatim ad duos terminos quatuor solidos ad festum Sancti Martini et quatuor ad Penthecostes et molent bladum suum ad proprium molendinum si habuerint aut ubicumque melius poterunt et licebit predicto Roberto et heredibus suis in predicta terra sua pro voluntate sua et heredum suorum Molendinum proprium sine aliqua inquietatione et contradictione construere quoquomodo voluerint et quieti erunt ab omni exactione et consuetudine nomine molendini ad predictos canonicos pertinente Predictus vero Rogerus et Cristiana uxor sua et heredes eorum molent inperpetuum ad molendinum de Aberdoure bladum de Balmakmole et de Montequi ad vicesimum primum vas et quieti erunt per predictum pactum de reparatione Molendini de Aberdoure et de omnibus que ad communitatem pertinent Et ut hoc ratum sit in posterum presens scriptum Domini Gilberti episcopi Dunkeldensis et Domini Willelmi Abbatis de Dunfermeline et conventus de Insula Sancti Columbe Et Roberti de Rossive et Rogeri de Balmakmole et Cristiane uxoris sue Sigillis roboratur Hiis testibus Henrico priore de Colenros Magistro Petro de Ramseya Johanne de Haya Philippo de Sancto Michaele Scoto Mauricio de Kyndeloha Simone de Horoc David Hostiario Duncano de Ramseia Nicholao de Balran et multis aliis