Charter Document - 07480014
| Charter Number: | 07480014 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 - 1236 |
| Date type: | Assigned |
| Resource Link(s): |
People of Medieval Scotland |
Charter:
Gilbertus Dei gratia Episcopus Dunkeldensis omnibus literas istas visuris vel audituris Salutem eternam in Domino Noveritis nos divine caritatis intuitu de consensu et assensu capituli nostri dedisse et concessisse et hac carta nostra confirmasse Deo et ecclesie Sancti Columbe de Insula et canonicis ibidem Deo servientibus et servituris inperpetuum in puram et perpetuam elemosinam ecclesiam de Ochtirtule eum omnibus rectitudinibus suis in decimis oblationibus obventionibus et cum duabus bovatas terre iacentibus in australi parte iuxta eandem ecclesiam eum omnibus libertatibus et aisiamentis ad tantam terram pertinentibus et cum omnibus aliis ad predictam ecclesiam iuste pertinentibus in proprios usus suos prout eis melius visum fuerit convertendam Presentabunt autem dicti canonici episcopis Dunkeldensibus pro tempore capellanos idoneos secundum defectum temporis nostri ad servitium ecclesie ab episcopis recipiendos Respondebunt vero sepe dicti canonici de sinodalibus et aliis oneribus ecclesie excepta procuratione ratione visitationis debita Quare volumus ut predicti canonici predictam ecclesiam ita libere et quiete et honorifice teneant et possideant secundum formam prescriptam sicut aliqua ecclesia nomine elemosina melius et quiecius et honorificentius tenetur et possidetur in dioecesi nostra Ut autem hec donatio robur firmitatis teneat impostorum presens scriptum sigillo nostro una cum sigillo capituli nostri fecimus roborari Hiis testibus Magistro Willelmo de Edinhame Archidiacono nostro Magistro Petro de Castro Terry Domino Adam de Pert Galfrido clerico de liberatione Willelmo capellano Hugone capellano Roberto de Raperlaw canonicis Dunkeldensibus [] et aliis multis