Charter Document - 07480012
| Charter Number: | 07480012 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1217 - 1223 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis et fidelibus literas istas visuris vel audituris Ricardus filius Hugonis de Camera Salutem eternam in Domino Noverit universitas vestra me assensu et consensu A sponse mee et Ricardi heredis mei dedisse et concessisse et hac mea carta confirmasse Deo et ecclesie Sancti Columbe de Insula et canonicis ibidem Deo servientibus et servituris inperpetuum unam bovatam terre in territorio de Fordal illam scilicet que iacet juxta mare inter terram de Dalgathin et terram de Louhild per rectas divisas suas et unum toftum et croftum in eadem villa mea de Fordal cum omnibus aisiamentis et communi pastura ad tantam terram pertinente pro anima mea et anima A sponse mee et omnium antecessorum et successorum meorum Tenendam de me et heredibus meis in puram et perpetuam elemosinam libere et quiete ab omni auxilio et seculari exactione Quare volo ut predicti canonici prenominatam terram ita libere et quiete et honorifice teneant et possideant sicut aliqua elemosina melius et quietius et honorificentius tenetur et possidetur in Regno Scocie Hiis testibus Hugone Episcopo Dunkeldensi Willelmo Abbate de Sancte Cruce Patricio Abbate de Dunfermeline Alexandro Vicecomite de Strivelin Thome de Lundin et multis aliis