Charter Document - 07480009
| Charter Number: | 07480009 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1207 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius Episcopus Servus Servorum Dei Dilectis filis Abbati de Londoris et Archidiacono Sancti Andree et priori de May Dioecesis Sancti Andree Salutem et apostolicam benedictionem Dilecti filii Prior et conventus de Insula Sancti Columbe transmissa nobis conquestione monstravit quod eum venerabilis frater noster Episcopus Dunkeldensis pro insula Leverith quam ad firmam recepit ad ipsis aliquod annis eis censum solverit constitutum nunc censum ipsum eisdem pro sua voluntate subtraxit ac insulam nihilominus detinet occupatam Ideoque discretioni vestre per apostolica scripta mandamus quatenus partibus convocatis audiatis causam et appellatione remota sine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint eadem districtione appellatione cessante cogatis veritati testimonium perhibere nullis literis veritati et iustitie preiudicantibus a sede apostolica impetratis Quod si non omnes hiis exequendis poteritis interesse duo vestrum ea nihilominus exequantur Datum Viterbii iiij Idus Septembris Pontificatus nostri anno decimo