Charter Document - 07480007
| Charter Number: | 07480007 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 - 1198 |
| Date type: | Assigned |
| Resource Link(s): |
People of Medieval Scotland |
Charter:
Universis Sancte matris ecclesie filiis tam presentibus quam futuris Robertus de Londoniis filius Domini Regis Scocie Salutem Sciant omnes tam posteri quam presentes me concessisse et hac carta mea confirmasse Deo et Sancto Columbe et canonicis de Insula Beati Columbe ibidem Deo servientibus unam marcam singulis annis in puram et perpetuam elemosinam assignatam ad terram de Kinearneder quam Other tenuit Sicut carta Waldevi filii Cospatricii eisdem canonicis testatur et confirmat Et in burgo me de Innerkethine unum toftum plenarium quod bone memorie Rex Malcolmus predictis canonicis dedit et carta sua confirmavit Tenenda et habenda libere et quiete et honorifice sicut liberius quietius et honorificentius aliqua elemosina in Regno Domini mei Regis Scocie ex donatione alicuius baronis tenetur et possidetur Et sicut predictorum virorum carte testantur et confirmant Hiis testibus Hugone cancellario Domini Regis Abbate de Dunfermeline Archibaldo Willelmo Abbate de Sancte Cruce Willelmo de Collecester canonico Willelmo de Bosco clerico Domini cancellarii Simone medico Helia de Dundas et multis aliis