Charter Document - 07480003
| Charter Number: | 07480003 |
|---|---|
| Cartulary Title: | Charters of the Abbey of Inchcolm |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1166 - 1235 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus literas istas visuris vel audituris Walterus Dominus de Lundy et Cristiana sponsa sua Salutem Noveritis nos divine caritatis intuitu dedisse concessisse et hac carta nostra confirmasse Deo et Ecclesie Sancti Columbe de Insula et canonicis ibidem servientibus et inperpetuum servituris in pignore fraternitatis nostre quindecim solidos argenti singulis annis inperpetuum in molendino nostro de Lundy in puram et perpetuam elemosinam percipiendos per manum illius qui dictum molendinum de nobis vel successoribus nostris pro tempore tenuerit scilicet septem solidos et sex denarios ad assumptionem beate Marie virginis et septem solidos et sex denarios ad festum Sancti Baldredi Quod si ad dictos terminos predictos denarios idem moram fecerit in solvendo dictorum canonicorum nuncium honeste exhibebit usque ad dictorum denariorum plenarium solutionem Quare volumus et precipimus ut dicti canonici dictos quindecim solidos ita libere quiete et honorifice de nobis et successoribus nostris habeant inperpetuum sicut aliqua elemosina melius quietius et honorificentius ab aliquo milite vel Barone in Regno Scocie datur et possidetur In cuius Rei testimonium presenti Scripto Sigillum nostrum apponi fecimus Hiis testibus Radulpho capellano Petro filio nostro et herede Thome et Archibaldo filiis nostris Johanne filio Abraham Senescallo nostro Hugone Bolte Roberto Maimunde et multis aliis