Charter Document - 07480002

Alexander Episcopus Servus servorum Dei Dilectis filiis Waltero priori ecclesie Sancti Columbe de Insula eiusque fratribus presentibus quam futuris canonicam vitam professis inperpetuum religiosam vitam eligentibus apostolicum convenit adesse presidium ne forte cuiuslibet temeritatis incursus aut eos a proposito revocet aut robur quod absit sacre religionis infringat Ea propter dilecti in domino filii vestris iustis postulationibus clementer annuimus et prefatam ecclesiam Sancti Columbe de Insula in qua divino mancipati estis obsequio Sub beati Petri et nostra protectione suscipimus et presentis Scripti privilegio communimus In primis siquidem statuentes ut ordo canonicus qui secundum Deum et beati Augustini regulam in eadem ecclesia institutus esse dinoscitur perpetuis ibidem temporibus inviolabiliter observetur propterea quascunque possessiones quecunque bona eadem ecclesia in presentiam iuste et canonice possidet aut in futurum concessione pontificum largitione regum vel principum oblatione fidelium seu aliis iustis modis prestante domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis locum ipsum in quo prefata ecclesia sita est eum omnibus pertinentiis suis Ecclesiam de Abirdoure cum pertinentiis suis Ecclesiam de Dalgathin cum pertinentiis suis Ecclesiam de Rossive eum tota terra quam bone memorie Ricardus Dunkeldensis quondam episcopus eidem ecclesie de Insula in prefata villa in perpetuam elemosinam dedit et autentico scripto suo confirmavit et Ecclesiam de Ochtertuly cum duabus bovatas terre capellam de Beth cum pertinentiis suis Kynmuchin per suas rectas divisas Ambas Kincarnas Inferiorem scilicet et superiorem Kyllori Glasmonth sicut carta prefati episcopi Ricardi confirmavit Dimidiam carucatam terre iuxta ecclesiam Sancti Melini cum ipsa capella Buthedlach per rectas suas divisas Quicquid iuris habetis in Donybressell In Laodonia Lanyne minorem iuxta Lanine comitis duos toftos in Caramonde mari propinquiores unum toftum in Edynburgh Duos in Hedingtona Duas bovatas terre in Midiltona Quatuor marcas de molendinis de Caramunde tres solidos de Cragin unam marcam de Kyncarnyne Waldevisicut eius carta vobis confirmat Duodecim solidos de dominio Regis de Kyngorne Unum toftum in Tibermore Et mille anguillas de Strathenry ex dono Roberti de Quencey Sane novalium vestrorum que propriis manibus aut sumptibus colitis sive de nutrimentis animalium vestrorum nullus a vobis decimas exigere presumat Sancimus etiam ut cum generale interdictum terre fuerit liceat vobis clausis ianuis exclusis excommunicatis et interdictis non pulsatis campanis supressa voce divina officia celebrare Liceat quoque vobis feminas liberas et absolutas e seculo fugientes ad conversionem recipere et eas sine contradictione aliqua retinere Prohibemus insuper ut nulli fratrum vestrorum post susceptum habitum absque prioris sui licentia liceat ex eodem claustro nisi arctioris religionis obtentu discedere Discedentem vero absque communi literarum cautione nullus audeat retinere Ad hec nulli liceat vobis vel ecclesiis vestris exactiones novas et indebitas imponere aut vos vel ecclesias vestras sine manifesta et rationabili causa gravare In parochialibus autem ecclesiis quas habetis liceat vobis clericos vel sacerdotes eligere et episcopo presentare Quibus si idonei fuerint episcopus animarum curam committat ut ei de spiritualibus vobis vero de temporalibus debeant respondere Liceat insuper vobis quatuor vel tres de canonicis vestris in ecclesiis vestris instituere Quorum unusquisque a dioecesano episcopo curam suscipiat animarum et illi de spiritualibus vobis vero de temporalibus debeat respondere Prohibemus insuper ne quis canonicorum vestrorum preter priorem vestrum professionem accipiat Sepulturam quoque ipsius loci liberam esse decernimus ut eorum devocioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen iustitia illarum ecclesiarum a quibus mortuorum corpora assumuntur Obeunte vero te nunc eiusdem loci priore vel tuorum quolibet successorum nullus ibi qualibet surreptionis astutia seu violentia preponatur nisi quem fratres communi consensu vel fratrum pars consilii sanioris secundum Dei timorem et beati Augustini regulam providerint eligendum Decernimus ergo ut nulli omnino hominum fas sit prefatam ecclesiam temere perturbare aut eius possessiones auferre vel ablatas retinere minuere seu quibuslibet vexationibus fatigare sed omnia integra conserventur eorum pro quorum gubernatione ac sustentatione concessa sunt usibus omnimodis profutura salva apostolice sedis auctoritate et dioecesani episcopi canonica iustitia Si qua igitur in futurum ecclesiastica secularisque persona hanc nostre institutionis paginam Sciens contra eam temere venire temptaverit Secundo tertione commonita nisi reatum suum digna satisfactione correxerit potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore ac sanguine Dei ac Domini Redemptoris nostri Iesu Christi aliena fiat atque in extremo examine divine ultioni subiaceat Cunctis autem eidem loco sua iura servantibus sit pax Domini nostri Iesu Christi quatenus et hic fructum bone actionis percipiant et apud districtum iudicem premia eterne pacis inveniant Amen Amen Amen Ego Alexander catholice ecclesie episcopus subscribo Ego Hubaldis Hostiensis episcopus subscribo Ego Johannes presbyter cardinalis Sanctorum Johannis et Pauli [] Datum Lateranum per manum Alberti sancte Romane ecclesie presbyteri cardinalis et cancellarii ii nonas Marcii Indictione xii Incarnacionis Dominice Anno Millesimo centesimo xxviii Pontificatus vero domini Alexandri pape tercii anno xx