Charter Document - 07471301
| Charter Number: | 07471301 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1228 - 1239 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis presens scriptum uisuris uel audituris Gilbertus permissione diuina ecclesie Abyrdenensis minister humilis eternam in Domino salutem Nouerit uniuersitas uestra nos caritatis intuitu de communi consensu et assensu capituli nostri concessisse et hac presenti carta nostra confirmasse Deo et [ecclesie] Sancti Andree apostoli et canonicis ibidem Deo seruientibus et seruituris donaciones illas quas Adam bone memorie predecessor noster eis fecit ad presentacionem domini Morgund comitis de Mar et Agnetis comitisse sponse eius de ecclesia de Taruelunde cum terra ad ipsam ecclesiam pertinente et uno molendino in terra illa fundato et preterea cum una caracuta terre que dicitur Hachago et de ecclesia de Impergauethe Tenendas sibi in liberam et puram et perpetuam elemosinam cum terris decimis [] Saluis Episcopalibus Hiis testibus domino Malcolmus archidiacono nostro magistro Alexandro decano Willelmo Jurdano Alano Edwardo canonicis de Abyrden magistro Roberto de Laicester domino Ricardode Warwiche fratre nostro Simone de Striuelin Johanne Roberto Bonayr clericis nostris et multis aliis