Charter Document - 07471276
| Charter Number: | 07471276 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1219 - 1240 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis presens scriptum visuris uel audituris Waldeuus de Stratheihan eternam in Domino salutem Noueritis me ex consensu Ranulfi heredis mei dedisse et concessisse et hac carta mea confirmasse Deo et ecclesie Beati Andree apostoli in Scocia et canonicis ibidem Deo seruientibus et seruituris in puram et perpetuam elemosinam pro salute anime mee et pro animabus patris mei et fratris et antecessorum et successorum meorum totam terram de Blarkerocche extra siluam per rectas diuisas suas cum communi pastura inter Feyhan et De ad sexaginta porcos et ad sexaginta uaccas cum fetibus suis donec trium fuerint annorum et ad uiginti equas cum sequela sua donec quatuor fuerint annorum cum equicio meo uel heredum meorum et si equicium non habuerimus liceat eis nihilominus viginti equas cum sequela sua ut dictum est in pastura habere ubicumque equicium meum uel heredum meorum ire consueuerit Concedo eciam eis mairebium in silua mea de Goauch ad fabricam ecclesie sue et ad nouam aulam suam edificandam et communem uenacionem in tota terra mea tam in plano quam in bosco per homines suos cum canibus uel quocumque alio modo Tenendam et habendam sibi inperpetuum in puram et perpetuam elemosinam libere quiete plenaria et honorifice sine omni exaccione et seruicio intrinseco et forinseco et consuetudine et demanda Excepto quod si ca pitalia placita ibidem emerserint in curia domini Prioris in eadem terra placitabuntur et si debeat iusticia fieri in curia mea et heredum meorum fiet saluo dictis Priori et conuentui emolumento si quod de placito illo contigerit Ego autem et heredes mei predictam elemosinam meam cum omnibus pertinenciis suis predictis Priori et conuentui contra omnes homines warantizabimus Et sciendum quod ad peticionem et ad instanciam meam concessum est michi a Priore et conuentu Sancti Andree debitum unius canonici in obitu meo et ut corpus meum deferatur ad sepeliendum in cimiterio suo inter fratres suos Et ut predicta omnia rata et futuris temporibus inconcussa permaneant presenti scripto sigillum meum apposui Testibus magistro Laurencio archidiacono Sancti Andree domino Malcolmo archidiacono Abirdenensi domino Philippo de Maleuille domino Gregorio de Maleuille domino Ricardo de Karnebehyn Simone et Laurencio prepositis Sancti Andree Germano filio Leving et Alexandro burgensibus magistro Henrico de Norham Ranulfo filio Waldeui et multis aliis