Charter Document - 07471249
| Charter Number: | 07471249 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1153 - 1178 |
| Date type: | Assigned |
| Resource Link(s): |
People of Medieval Scotland |
Charter:
Notum sit omnibus sancte matris ecclesie fidelibus quod ego Agnes comitissa de Mar dedi et concessi et hac mea carta confirmaui Deo et ecclesie Sancti Andree et canonicis ibidem Deo seruientibus ecclesiam Sancti Finnini de Miggeuth in liberam et perpetuam elemosinam cum omnibus ecclesiasticis rectitudinibus ad eandem ecclesiam iuste spectantibus cum terra et cum decimis plenaria dandis Tenendam in perpetuum tam libere et quiete et honorifice sicut aliqua elemosina melius liberius et quiecius in regno Scottorum tenetur Hanc itaque elemosinam dedi supra memoratis canonicis pro salute anime Morgundi comitis sponsi mei et pro salute anime mee et pro animabus omnium antecessorum meorum et successorum Testibus Ade comitissa matre Regis Alexandro de Sancto Martino Roberto de Capella Roberto de Capella Willelmo Giffarde Willelmo capellano Willelmo Caperun Roberto de Neuham Mauricio coquo Alano de Inuermeth Edwardo Willelmo de Mar