Charter Document - 07471246
| Charter Number: | 07471246 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1165 - 1171 |
| Date type: | Assigned |
| Resource Link(s): |
People of Medieval Scotland |
Charter:
Moregrundus comes de Mar Omnibus hominibus tocius terre sue salutem Sciatis me dedisse et hac presenti mea carta confirmasse Deo et ecclesie Sancti Andree apostoli de Scocia et canonicis ibidem Deo seruientibus et seruituris ecclesiam Sancti Mhuluoche de Tharuelund cum decimis et oblacionibus omnibus rectitudinibus eidem ecclesie pertinentibus et terram que eidem ecclesie pertinet cum molendino in eadem terra fundato et unam carucatam terre que dicitur Hachadgouan per rectas diuisas suas in pascuis in pratis in bosco et plano cum omnibus aisiamentis ad illas terras pertinentibus Tenendas de me et de heredibus meis in elemosinam perpetuam pro salute anime mee et anime Agnetis comitisse sponse mee et pro animabus predecessorum et successorum nostrorum Do eciam eis et concedo in elemosinam perpetuo decimam tocius redditus mei de tota terra mea uidelicet de coriis de blado de caseo de farina de brais de marches de multonibus de porcis et de meis uenacionibus cum carne et coriis et decimam de placitis et de releuiis meis tam in denariis quam in ceteris adquisicionibus Concedo eciam eis ut accipiant in nemoribus meis materiem ad edificia sua quantum eis necesse fuerit et ut habeant communem pasturam ad pecunias suas cum pecuniis meis et cum pecuniis hominum meorum in terris meis sine omni disturbacione et inquietacione Quare uolo et precipio ut predicti canonici prenominatas elemosinas habeant et teneant plenaria de me et de heredibus meis ita libere et quiete sicut aliquam elemosinam liberius et quiecius habent in Scocia et possident Ego uero et Agnes comitissa sponsa mea suscepti sumus a conuentu in capitulo suo in fraternitatem domus Sancti Andree et dedimus et concessimus ut ubicumque in Scocia obi erimus corpora nostra ad sepeliendum ad Sanctum Andream deferantur et in obitu nostro debitum duorum canonicorum cum obierint nobis a canonicis conceditur Testibus hiis Ricardo episcopo Sancti Andree Matheo archidiacono Dunecano comite de Fif Marleswano Nesio filio Willelmi Galfrido de Maleuille Michaele clerico Willelmo de Ridal Malcolum iudice de Fif Alun mac Gillecrist Adam milite de Syreis Adam filio Riccehrin Rutherin filio Gillemichel