Charter Document - 07471205

Malcolmus Dei gratie Rex Scottorum Omnibus episcopis Abbatibus Comitibus vicecomitibus Justiciis Baronibus Ministris et omnibus fidelibus suis tam presentibus quam futuris salutem Ad hoc nos diuina prouidencia in populo suo principes uoluit esse ut debeamus et uelimus Ipsi tanquam Domino et Creatori omnium subesse et subditis nostris non tam preesse quam prodesse Mala penitus exstirpare bonum non solum ipsi facere uerum eciam benefacientes adjuvare Proinde illustris regis Dauid aui mei necnon et patris mei comitis Henrici simul et regis Alexandri ceterorumque sancte ecclesie fundatorum circa ecclesie Dei diligentiam uestigia sequens quecumque dona quascumque possessiones uel redditus ipsi Deo inspirante uel pie memorie Robertus episcopus ipsis concedentibus Deo et ecclesie Sancti Andree et canonicis ibidem Deo seruientibus et seruituris dederunt et concesserunt ego quoque cum additamentis meis do et concedo et pro salute anime mee et predecessorum et successorum meorum regia auctoritate confirmo et hec quidem propriis duxi exprimenda uocabulis videlicet porciones altaris preter septimam que iure competit episcopo et hospitale Sancti Andree in susceptione hospitum pauperum peregrinorum cum terris et possessionibus et reditibus eidem hospitali pertinentibus et ecclesiam de Linlidcu cum terris et domibus infra burgum et extra et decimis et reditibus capellis et omnibus rebus et rectitudinibus ecclesie pertinentibus Et decimam molendini mei de Linlidcu Et ecclesiam de Foregrund cum una tofta et dimidia carucata terre et cum decimis et rectitudinibus ecclesie pertinentibus de tota schira de Foregrund Barrimonid quoque Struuichin Gastdouenold Drumkarachin Ledochin Stradkines Et aliam Stradkines pro commutatione de Kynninis et de Lethin quas kelledei habent Balhucca Rodmanan Pethultin Balgoue cum salina Kinnastare Kinnamone Drumsac Balmacdunechin Eglesnamin Balhothen Sconin Kinninmoneth cum tota schira et cum una tofta in Kilrimund tres toftas in burgo Sancti Andree Molendinum de Kilrimund Molendinum de Puttechin Molendinum de Nidin Unam aquam in Berwic cum tofta que est iusta ecclesiam et alteram toftam in eadem villa iuxta Tuede unam toftam in Hadintun unam toftam in Clacmanand Et boscum de Clacmanand tam ipsis quam hominibus suis prout eis fuerit necessarium Transfretacionem ad portum maris ad nauem regine ipsis et propriis hominibus suis sine naulo Decimam de coriis meis de Fif Duos tractus retis in aqua de Pert cum propriis retibus meis unam marcam de firma mea de Pert ad pascha ad luminare ecclesie Tres marcas singulis annis de meo channe de nauibus de Pert ad uestitum canonicorum Nihilominus eciam eiusdem loci fratribus liberam prioris eleccionem concedimus Curiam quoque suam cum libertatibus inmunitatibus et quietudinibus placitorum et querelarum a predecessoribus meis constitutis et concessis eis concedo sicut liberius et honorificencius habet aliqua ecclesia uel elemosina in toto regno meo Prohibeo etiam super plenarium foris factum meum ne aliquis namum super illos uel in terra sua capiat pro alicuius forisfacto uel debito nisi pro illorum proprio Ista igitur et quecumque postmodum predicte ecclesie beati Andree et canonicis ibidem Deo seruientibus et seruituris collata fuerint libera et quieta esse ab omni exactione decernimus Hanc igitur donacionem et concessionem pie memorie Roberti episcopi et aui mei regis Dauid necnon et patris mei comitis Henrici Ego Malcolmus Dei gratia Rex Scottorum regia auctoritate confirmo et sigilli mei inpressione consigno Testibus hiis Gregorio episcopo de Dunkeld Andree episcopo de Cathern Galfrido abbate Dunf Matheo archidiacono Comite Cospatricio Hugone de Moreuill et filio eius Ricardo Gilleberto de Umframuill Waltero filio Alani Herberto camerario Merleswano Nes filio Willelmi Dauid Olifard Roberto de Brus Radulfo filio Dunecani Philippo de Coleuilla Ricardo Cumin Thomas de Lund Rogero de Theruieth Waltero clerico Ricardo de Hospitali Ierosolimitano Roberto fratre de Templo Anno ab incarnatione domini MCLX apud Sanctum Andream