Charter Document - 07470368
| Charter Number: | 07470368 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1228 - 1239 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis hoc scriptum visuris uel audituris Gilbertus miseracione diuina ecclesie Aberdonensis minister humilis eternam in Domino salutem Nouerit vniuersitas uestra nos ad presentacionem nobilis viri Domini Duncani Comitis de Marre dedisse concessisse et hac carta nostra confirmasse Deo et ecclesie Sancte Marie de Munimusc et canonicis ibidem Deo seruientibus et seruituris ecclesiam Sancti Andree de Kindrouch cum decimis oblacionibus et obuencionibus et omnibus aliis ad eandem ecclesiam iuste pertinentibus et cum vna acra terre in Auchatendregen ex altera parte amnis qui vocatur Alien Tenendam et habendam in puram et perpetuam elemosinam et honorifice sicut aliqua elemosina adeo libere et quiete plenaria in regno Scocie liberius quiecius plenius et honorificencius tenetur et possidetur Saluis episcopalibus In huius rei testimonium presens scriptum sigilli mei munimine duximus roborandum Testibus []