Charter Document - 07470332
| Charter Number: | 07470332 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1242 |
| Date type: | Internal, A.D. |
| Resource Link(s): |
People of Medieval Scotland |
Charter:
Anno ab incarnacione Domini MCC Quadragesimo secundo post multas et uarias altercaciones coram uiris uenerabilibus Johanne Abbate de Lundors de May et de Lundors prioribus domini pape delegatis habitas inter uiros uenerabiles Johannem priorem et conuentum Sancti Andree ex vna parte et nobilem uirum Duncanum comitem de Mar ex altera super terris ad ecclesias suas de Tarualund et de Migaueth spectantibus et super secundis decimis tocius redditus dicti comitis de tota terra sua ex dono nobilis viri Morgrundi quondam comitis de Mar collatis et carta sua confirmatis scilicet de cano de coriis de blado de caseo de farina de braseo de martis de multonibus et porcis et de suis uenacionibus cum carne et coriis de placitis et releuiis tam in denariis quam in ceteris acquisicionibus easque multis temporibus perceperint Tandem propter plures importunitates et incommoditates et dispendia que dictis priori et conuentui Sancti Andree accindant in dictarum decimarum percepcione dicti prior et conuentus de consensu dictorum iudicum cum dicto nobili uiro Duncano comite herede dicti Morgrundi spontaneam et finalem inierunt composicionem tam ex parte dictorum prioris et conuentus quam ex parte ipsius Duncani pro se et heredibus suis sibi inperpetuum successuris fidei interposicione roboratam talem uidelicet Quod prenominatus prior et conuentus omnes prenominatas decimas de se et successoribus suis predicto Duncano comiti de Mar et heredibus suis remiserunt et inperpetuum quietas clamauuerunt et eque ab earum prestacione absoluerunt tali condicione Quod terre et decime ecclesiarum suarum de Taruelund et de Miggauethe quas ex dono dicti Morgrundi comitis tenent et possident huius occasione composicionis in nullo penitus ullo umquam tempore disturbentur vel minuantur Prenominatus uero comes Duncanus et heredes sui prenominatis priori et conuentui et successoribus suis in recompensacionem dicte remissionis quiete clamacionis et absolucionis coram venerabili patre Radulfo Episcopo singulis annis Aberdonensi solempniter facte inperpetuum decem marcas argenti de camera sua persolueret scilicet quinque marcas ad Pentecosten et quinque marcas ad festum Sancti Martini Quousque per predictum comitem Duncanum vel heredes suos in tantum dem vel uberius in loco ydoneo et certo dictis canonicis prouideatur Dictus autem Duncanus comes coram dicto domino Radulfo Episcopo Aberdonensi tactis sacrosanctis evangeliis iuramento interposito subiecit se et heredes suos inperpetuum iurisdiccioni eiusdem domini Episcopi et successorum suorum vt si cessatum fuerit aliquo tempore a solucione decem marcarum ad debitos terminos sublato omni iuris remedio Episcopus qui pro tempore fuerit canonicam penam excommunicacionis scilicet in personaset interdicti in terras possit detentores compellere vsque ad debitam satisfaccionem Vt autem hec composicio rata sit et futuris temporibus inuiolabiliter obseruata permaneat parti huius scripti in modum cyrographi confecti penes dictum comitem Duncanum et heredes suos residenti vna cum sigillo venerabilis patris Radulfi Episcopi Aberdonensis apposita sunt sigilla dictorum iudicum delegatorum et sigillum commune capituli Sancti Andree Alteri uero parti penes dictos priorem et conuentum residenti vnacum sigillis jam dicti venerabilis patris Radulfi Episcopi Aberdonensis et supradictorum judicum apposita sunt sigilla dicti Duncani comitis et domini Willelmi filii sui Testibus Sancti Andree et Aberdenie capitulis