Charter Document - 07470312
| Charter Number: | 07470312 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Lay |
| Charter Type(s): | Receipt |
| Date: | 1268 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Chtisti fidelibus hoc scriptum visuris vel audituris Willelmus comes de Mar salutem in Domino Nouerit vniuersitas vestra nos recepisse ad firmam a viris religiosis priore et conuentu Sancti Andree totam terram quam comes Morgrundus auus noster eisdem priori et conuentuiin parochia de Taruelone in puram et perpetuam elemosinam dedit et concessit cum omnibus libertatibus et iustis pertinencijs suis sicut carta eiusdem Morgrundi eis inde confecta plenius testatur exceptis quatuor acris ex parte orientali et australi eiusdem ecclesie ad vsus vicariorum assignatis Reddendo inde eisdem canonicis et successoribus suis pro nobis et heredibus nostris quatuor marcas argenti medietatem ad festum Sancti Martini in yeme et aliam medietatem ad festum Pentecostes quousque eisdem per nos vel heredes nostros in consimili redditu vel maiori in terra uel in ecclesiastico beneficio fuerit prouisum Volumus eciam et concedimus vt predicti prior et conuentus dictas iiii marcas singulis annis percipiant in terra de Hachadgouan per manus firmarij eiusdem terre Et hoc eis et successoribus suis pro nobis et heredibus nostris fideliter promittimus et presenti scripto nos obligamus In cuius rei testimonium presentibus sigillum nostrum fecimus apponi Testibus dominis Leone de Normanwile Thome de Rettrif Willelmus de Rotheuan Andree Betune militibus Douenaldo Dunecano filiis comitis eiusdem magistris Ricardo Veriment Thome de Norham Nicholao de Sancti Andree Ranulpho capellano dicti comitis et multis aliis Datum apud Falkeland xii kalendas Februarii anno gracie MCCLX Septimo