Charter Document - 07470311
| Charter Number: | 07470311 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1268 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris uel audituris Willelmus comes de Mar salutem in Domino sempiternam Noueritis quod nos ratas et firmas habemus concessiones et donaciones quas dominus Morgrundus auus noster comes de Mar fecit priori et conuentui de Sancti Andree de ecclesia de Taruelond cum terra et cum iustis pertinenciis suis Et ratam et firmam habemus donacionem quam domina Agnes auia nostra quondam comitissa de Mar fecit eisdem priori et conuentui de ecclesia de Migueth cum terra et omnibus iustis pertinenciis suis Et si quid minus legitime per easdem personas predictis priori et conuentui fuerit donatum vel confirmatum super eisdem ecclesiis et terris nos pro nobis et heredibus nostris quantum per nos et heredes nostros suppleri poterit supplemus [] Damus eciam dicte ecclesie de Migueth unam acram terre prope eamdem ecclesiam ex parte australi iacente inter ecclesiam et castrum de Migueth ad mansum vicarij vel capellani in eadem ecclesia seruientis ita libere et quiete sicut terra eidem ecclesie prius data donatur et confirmatur Et quia dicti prior et conuentus nobis et heredibus nostris terram suam de Taruelone ad firmam concesserunt sicut in eorum carta plenius continetur nos ad peticionem dictorum prioris et conuentus quatuor acras terre dedimus et con cessimus vicario qui pro tempore fuerit iacentes uersus partem australem et orientalem dicte ecclesie de Taruelone In cuius rei testimonium presentibus sigillum nostrum fecimus apponi Testibus dominis Loeone de Normanuille Thome de Rettrif Willelmo de Rotheuan Andree de Betune militibus Douenaldo Duncano filiis eiusdem comitis magistro Ricardo Veyrement Ranulpho capellano dicti comitis et multis aliis Datum apud Falkelande decimo kalendas Februarii MCCLX septimo