Charter Document - 07470298
| Charter Number: | 07470298 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1172 - 1183 |
| Date type: | Assigned |
| Resource Link(s): |
People of Medieval Scotland |
Charter:
Matheus Dei gracia Episcopus Aberdonensis omnibus probis hominibus clericis et laicis tocius sue dioecesis salutem Sciant tam futuri quam moderni me concessisse et hac mea carta confirmasse donacionem quam Comes Morgundus et Agnes comitissa sponsa sua dederunt Deo et ecclesie Sancti Andree apostoli et canonicis ibidem Deo seruientibus et seruituris perpetuo in elemosinam et carta sua confirmauerunt scilicet ecclesiam de Taruelund cum decimis et oblacionibus eidem ecclesie pertinentibus et cum terra eidem ecclesie pertinente et cum molendino quodam in illa terra fundato et preterea unam carucatam terre que dicitur Hachadgouan et cum decimis tam de reditibus quam de releuiis et de placitis et de uenacionibus suis et cum omnibus rebus de quibus carta sua illis testatur Quam propter uolo et auctoritate Episcopali precipio ut prefati canonici prenominatas elemosinas teneant et possideant ita libere et quiete [] Saluo iure Episcopali Hiis testibus Malcallano archidiacono de Aberdona Adam clerico de Helom Roberto canonico Willelmo et Rogero capellanis Rogero milite de Wiltona Odone dapifero fratre Episcopi Stephano clerico Gaufrido clerico Episcopi