Charter Document - 07470294
| Charter Number: | 07470294 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1251 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Sciatis nos concessisse et hac carta nostra confirmasse donacionem illam quam Simon filius Simonis de Kyn fecit Deo et ecclesie beati sancti Andree apostoli et canonicis ibidem Deo seruientibus et in posterum seruituris de quinque bouatis terre et quatuor acris in territorio de Kathlath scilicet de duabus bouatis et quatuor acris que incipiunt ab acra fratrum sancti Lazari et se extendunt usque ad unum siket ex parte australi et inde se extendunt ad terram que fuit quondam Reginaldi uersus partem occidentalem usque ad metas terre Mathei quondam fratris Johannis de Kyn et sic uersus aquilonem usque ad quamdam semitam que iacet iuxta montem que uocatur Adkar cum tofto ad eandem terram adiacente Et de tribus aliis bouatis terre que incipiunt ex parte boriali eiusdem ville et se extendunt usque ad mora in longitudine Et in latitudine ab occidentali parte more usque ad orientalem partem eiusdem more per circuitum Tenenda et habenda eisdem canonicis in puram et perpetua elemosinam adeo libere quiete plenaria et honorifice sicut carta dicti Symonis predictis canonicis exinde confecta plenius iuste testatur saluo seruicio nostro Testibus Roberto Meyneris camerario Gilberto de Haia Johanne de Vallibus et Dauid de Meyners Apud Hadingtun xx quinto die Aprilis anno regni domini regis secundo