Charter Document - 07470230

Willelmus Dei gracia rex Scot[t]orum Episcopis abbatibus Comitibus Baronibus Justiciis vicecomitibus prepositis ministris et omnibus probis hominibus tocius terre sue clericis et laicis salutem Sciant presentes et futuri me dedisse et concessisse et hac carta mea confirmasse Deo et ecclesie Sancti Andree et canonicis ibidem Deo seruientibus et seruituris in liberam et perpetuam elemosinam pro salute anime mee et predecessorum et heredum meorum ecclesiam de Eglesgirg cum terra abbacie et cum omnibus eidem ecclesie iuste pertinentibus et cum capella Sancti Reguli et dimidia carucata eidem capelle pertinente Et ecclesiam de Inchethore cum omnibus iustis pertinenciis suis Concedo eciam eisdem canonicis et hac carta mea confirmo ex donacione Comitis Dunecani ecclesiam de Sconin cum terra eidem ecclesie pertinente et cum omnibus iustis pertinenciis suis Et ecclesiam de Marchinche cum capella de Katel et cum terra ad eandem capellam iuste pertinente et cum omnibus iustis pertinenciis suis Et ecclesiam de Cupre cum terris et decimis et cum omnibus aliis iustis pertinenciis suis Ex donacione Malcolmi comitis de Atthol ecclesiam de Dul cum capellis et terris et omnibus aliis iustis pertinenciis suis preterea ex donacione Comitis Morgunt ecclesiam de Tharflond cum omnibus iustis pertinenciis suis et cum una carucata terre saluo inde seruicio meo et cum molendino in eadem terra fundato et cum decima de omnibus reditibus suis Ex donacione Neisi filii Willelmi ecclesiam de Louchres cum capellis terris decimis et omnibus iustis pertinenciis suis Ex donacione Umfredi deb Berkelei ecclesiam de Coneued cum terris et decimis et omnibus aliis iustis pertinenciis suis Et ex donacione Ricardi Maluuel ecclesiam de Thanetheis cum omnibus iustis pertinenciis suis Et ex donacione Walteri de Lundin viginti acras terre iuxta lacum suum de Lundin a parte aquilonali cum una tofta quam Gillemur tenuit scilicet a domo fabri usque ad uiam et cum communi pastura Et ex donacione Merleswani ecclesiam de Kennakin cum decimis et omnibus aliis iustis pertinenciis suis et cum terris quas Simeon presbyter cum ecclesia tenuit Scilicet Chenoch et uallem a speluncca Mandrethin usque ad metam occidentalem ipsius uallis et Pettenduem et Petthaschen quam Merleswanus eidem ecclesie optulit et quartam partem Drumchatin et quartam partem Fanclarathin et quandam terram que dicitur Chenmochaueth per rectas diuisas suas in pratis in moris et cum communi pastura et cum omnibus ad eandem terram iuste pertinentibus Quare uolo et precipio ut prenominati canonici omnia prescripta ita libere quiete plenaria et honorifice teneant et possideant sicut alias elemosinas suas liberius quiecius plenius et honorificencius tenent et possident et sicut carte donatorum testantur Saluo seruicio de terris hac inscriptis de quibus seruicium habere debeo Testibus Matheo Aberdenensi episcopo Johanne episcopo de Dunkeldin Hugone cancellario meo Arkenbaldo abbate de Dunfermelin Comite Dunecano Comite Gilleberto Willelmo de Lindeseya Willelmo de Moreuill constabulario Roberto de Lundoniis Malcolmo filio Comitis Dunecani Willelmo Cumin Willelmo de Haya Dauid de Lindes Philippo Marescallo apud Perth