Charter Document - 07470226
| Charter Number: | 07470226 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1165 - 1172 |
| Date type: | Assigned |
| Resource Link(s): |
People of Medieval Scotland |
Charter:
Willelmus rex Scottorum Omnibus probis hominibus tocius terre sue clericis et laicis salutem sciant presentes et futuri me concessisse et hac mea carta confirmasse Deo et ecclesie Sancti Andree apostoli in Scocia et canonicis ibidem Deo seruientibus donacionem quam Ade comitissa mater mea fecit eis de una marca argenti singulis annis in perpetuam elemosinam in schira de Karel de Petmulin ad operacionem noue ecclesie et cum ecclesia perfecta fuerit ad luminare eiusdem ecclesie Concedo eciam et confirmo eidem ecclesie et fratribus donacionem de uno tofto plenaria in burgo de Karel quam mater mea fecit eis pro anima patris mei comitis Henrici et pro animabus antecessorum nostrorum et successorum Volo itaque et firmiter precipio ut predicti canonici prenominatas elemosinas teneant ita libere et quiete sicut carte matris mee testantur et confirmant et sicut alias elemosinas suas liberius et quiecius tenent in regno meo Testibus Matheo archidiacono Sancti Andree Comite Dunecano Waltero filio Alani dapifero Nesio filio Willelmi Waltero de Berkelei apud Dunfermelin