Charter Document - 07470223
| Charter Number: | 07470223 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1178 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia rex Scottorum episcopis abbatibus Comitibus Baronibus Justiciis uicecomitibus Ministris et omnibus probis hominibus tocius terre sue clericis et laicis salutem Sciant presentes et futuri me concessisse et hac carta mea confirmasse Deo et ecclesie Sancti Andree apostoli et canonicis ibidem Deo seruientibus et inperpetuum seruituris elemosinas quas Dunecanus comes de Fif eis perpetualiter tenendas dedit concessit et confirmauit Scilicet ecclesiam de Cupre cum terris et decimis et oblacionibus et cum omnibus eiusdem ecclesie iustis pertinenciis et ecclesiam de Stradmigeloch cum terris et decimis et oblacionibus et cum omnibus eiusdem ecclesie iustis pertinenciis Et decimam molendini de Cupre et de Stradmigeloc plenaria Et preterea ut idem canonici fundent stagnum molendini sui de Nidin super terram comitis ex aquilonali parte fluuii Hedene perpetualiter ita quod si stagnum illud occasione aliqua dirutum uel quassatum fuerit uel aque inundacione debilitatum liceat predictis canonicis sine omni calumpnia et exaccione libere et quiete illud reparare Volo autem et firmiter precipio ut canonici predicti elemosinas prescriptas perpetualiter teneant et possideant ita libere et quiete plenaria et honorifice sicut alias elemosinas suas liberius Quiecius plenius et honorificencius tenent et sicut carta Comiti[s] Dunecani testatur et confirmat Testibus Ricardo episcopo de Dunekeld Waltero de Bidun cancellario Comite Dunecano Ricardo de Moreuill constabulario Waltero de Winles Galfrido de Maleuill apud Kingor