Charter Document - 07470222
| Charter Number: | 07470222 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1175 - 1178 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia rex Scottorum episcopis abbatibus Comitibus baronibus iusticiis uicecomitibus prepositis ministris omnibus probis hominibus tocius terre sue clericis et laicis salutem Sciant presentes et posteri me concessisse et hac mea carta confirmasse Deo et ecclesie Sancti Andree in Scocia et canonicis ibidem Deo seruientibus et seruituris ecclesiam de Hadintun cum terra de Clerkenetun et cum omnibus aliis eiusdem ecclesie iustis pertinenciis tam in decimis quam in aliis rectitudinibus et libertatibus Tenendam in liberam et perpetuam elemosinam ita libere et quiete plenaria et honorifice sicut alias elemosinas suas liberius et quiecius plenius et honorificencius tenent Salua tenura monialium de Hadintun sicut carta episcopi Sancti Andree et cyrograffum inter predictos canonicos et easdem moniales factum testantur et confirmant Testibus Jocelino episcopo Glesguensi Andree episcopo Katenensi Johanne abbate de Kelco Ricardo abbate de Jedd Laurencio abbate de Melros Comite Waldef Comite Dunecanoc Hugone Giffard apud Hadintun