Charter Document - 07470221
| Charter Number: | 07470221 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1165 - 1171 |
| Date type: | Assigned |
| Resource Link(s): |
People of Medieval Scotland |
Charter:
Willelmus rex Scottorum Omnibus probis hominibus tocius terre sue salutem Sciatis me concessisse et hac carta mea confirmasse Deo et ecclesie Sancti Andree et canonicis ibidem Deo seruientibus in liberam et perpetuam elemosinam unum plenarium toftum in burgo meo de Berewic tenendum ita libere et quiete et honorifice ab omni seruicio et consuetudine sicut aliqua elemosina in tota terra liberior et quiecior est Volo eciam ut homines qui in illo tofto manserint iuste meam firmam pacem habeant et quieti sint ab omni exaccione et consuetudine et teloneo et omnibus aliis rebus sicut alii burgenses sunt de aliis meis elemosinis et sicut carta Regis Dauid testatur aui mei et confirmat prohibeo eciam ne quis eis iniuriam aliquam faciat super meam defensionem Testibus Nicholao cancellario Ricardo de Moreuil constabulario Matheo archidiacono Sancti Andree Waltero filio Alani dapifero Dauid Olifard Justic Nessio filio Willelmi apud Sanctum Andream