Charter Document - 07470220
| Charter Number: | 07470220 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1178 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia rex Scottorum episcopis abbatibus Comitibus Baronibus Justiciis vicecomitibus ministris et omnibus probis hominibus tocius terre sue clericis et laicis salutem Sciant presentes et futuri me concessisse et hac mea carta confirmasse Deo et ecclesie Sancti Andree apostoli et canonicis ibidem Deo seruientibus et seruituris elemosinas illas quas Dunecanus comes de Fif eis perpetualiter tenendas dedit concessit et confirmauit videlicet ecclesiam de Sconin et terram eidem ecclesie pertinentem cum decimis et ceteris pertinenciis suis ecclesiam de Markinge cum terra eidem pertinente cum decimis et cum omnibus rectitudinibus suis et capellam de Katel cum omnibus eidem iuste pertinentibus Quapropter uolo et firmiter precipio ut predicti canonici elemosinas prescriptas teneant et possideant ita libere et quiete sicut ceteras elemosinas suas in regno meo liberius et quiecius tenent et possident et sicut carte comitis Dunecani eis testantur Testibus Andree episcopo de Katenes Waltero cancellario Gilleberto comite de Stradtherin Malcolmo comite de Athewethle Nesio filio Willelmi Willelmo de Morthemer Hugone Giffard Willelmo de Haia Willelmo Mathle Adam filio Iuette apud Perth