Charter Document - 07470213

Willelmus Dei gratia Rex Scottorum Omnibus episcopis Abbatibus Comitibus Vicecomitibus Justiciis Baronibus Ministris et omnibus fidelibus suis tam presentibus quam futuris Salutem Ad hoc nos diuina prouidentia in populo suo principes uoluit esse ut debeamus et uelimus Ipsi tanquam Domino et Creatori omnium subesse et subditis nostris non tam preesse quam prodesse Mala penitus exstirpare bonum non solum ipsi facere uerum etiam benefacientes adiuuare Proinde illustris regis Dauid aui mei necnon et patris mei comitis Henrici simul et dilecti fratris mei Malcolmi necnon et regis Alexandri ceterorumque sancte ecclesie fundatorum circa ecclesie Dei diligentiam uestigia sequens quecunque dona quascunque possessiones uel redditus ipsi Deo inspirante uel pie memorie Robertus episcopus et successores sui uel quelibet alia ecclesiastica secularisue persona ipsis concedentibus Deo et ecclesie Sancti Andree apostoli et canonicis ibidem Deo seruientibus et seruituris dederunt et concesserunt ego quoque do et concedo et pro salute anime mee et predecessorum et successorum meorum regia auctoritate confirmo et hec quidem propriis duxi exprimenda uocabulis Videlicet ex dono Regis Dauid ecclesiam de Forgrunt cum tofta ubi eorum sunt edificia et cum decimis et rectitudinibus ecclesie pertinentibus de tota schyra de Forgrunt Unam aquam in Berewic cum tofta que est iuxta ecclesiam et alteram toftam in eadem uilla iuxta Twede Unam toftam in Hadegtona Unam toftam in Clacmanan et boschum in Clacmanan tam ipsis quam hominibus suis prout eis fuerit necessarium Transfretationem ad portum maris ad nauem regine ipsis et propriis hominibus suis et omnibus rebus suis sine naulo Decimam molendini de Lilledcu Tractum unius retis in aqua de Perth cum propriis retibus meis Tres marchas de meo can de nauibus de Perth singulis annis ad uestitum canonicorum et Unam marcham de firma de Perth ad pascha ad luminare ecclesie Curiam quoque suam cum libertatibus immunitatibus et quietudinibus placitorum et querelarum a predecessoribus meis constitutis et concessis sicut liberius et honorificentius habet aliqua ecclesia uel elemosina in toto regno meo et libertatem quam dedit predictus auus meus canonicis ne aliquis namum capiat super illos uel in terra sua pro alicuius forisfacto uel debito et nisi pro illorum proprio super plenarium foris factum meum Ex dono Regis Malcolmi fratris mei dimidiam carucatam terre de qua ecclesia de Forgrunt dotata est secundum diuisas perambulatis et tractum unius retis in aqua de Perth cum propriis retibus meis Unam toftam in burgo de Inuerketh Unam carucatam terre de Adnacht nomine Melgrethre cum rectis diuisis suis Unam toftam in burgo de Perth que fuit Baldewini loremarii cum botha una in uico de North apud castellum Ex dono uero pie memorie domini Roberti episcopi ecclesiam de Lilledcu cum terris et domibus infra burgum et extra et decimis et reditibus capellis et omnibus rebus et rectitudinibus eidem ecclesie pertinentibus Terras autem istas Barrimunth Struuithin Gastduuenold Drunkarakin Ledokin Stradkines et aliam Stradkines pro commutatione Kinines et Lethin quas keledei habent Balehucca Rodmanan Petultin Balegoua cum salina Kinastare Kinamone Drumsach Balemacduuegin Eglesnemin Balloden Sconin Kinnimoniht cum tota schyra et cum una tofta in Kilrimund Tres toftas in burgo Sancti Andree Molendinum de Kilrimund Molendinum de Putakin Molendinum de Nidin Liberam uero prioris sui electionem ut quemcunque capitulum totum uel eius sanior pars elegerit et ipse in eorum regimen sublimatus subiectorum recipiat professionem Hospitale etiam Sancti Andree in susceptione hospitum pauperum peregrinorum cum terris et possessionibus et reditibus eidem hospitali pertinentibus Videlicet medietatem decime carrucarum episcopi et uaccariarum et bercariarum et porcariarum et equariarum de parochia Sancte Trinitatis et medietatem de Canonicis episcopi eiusdem parochie et totam decimam de can episcopi de Bladebolgschira et de aliis prouinciis et locis undecumque fuerit allatum uel adductum ad Sanctum Andream Carucatam etiam terre quam Simon filius Michaelis et heredes sui predicto hospitali dederunt et concesserunt per easdem diuisas quas prefatus Simon cum propriis hominibus suis perambulauerunt Terram etiam de Kenlekin quam auus meus rex Dauid predicto hospitali dedit et concessit pro salute anime sue in perpetuam elemosinam Et sicut per cartam Regis Dauid prohibitum est quod predicto hospitali ab aliquo diuisum fuerit et super foris factum meum nullus detineat Communitatem etiam in pascuis de Fif pecoribus hospitalis Firmam etiam pacem meam procuratoribus hospitali deputatis ne quis eis foris facere presumat in tota terra mea uel debitum qualemcunque iniuste detineat Ceteras etiam possessiones quas prefatum hospitale iuste tenet et possidet Ex donatione autem uenerabilis Arnaldi episcopi ecclesiam de Derueisin cum terris et decimis et oblationibus eidem pertinentibus et unam carucatam terre Capellam etiam de Foules cum omnibus pertinenciis suis Ecclesiam de Porthmoach cum terra et cum omnibus eidem pertinentibus Decimam de omnibus placitis suis tam secularibus quam ecclesiasticis et de omnibus releuiis suis Totam oblationem altaris cui deseruiunt integram illibatamque et sine omni partium distributione quietam et liberamque Terram etiam totam de Kilrimund que est a uico qui est inter burgum et nouum hospitale usque ad pontem Stermolin et inde sicut fluuius Kines cadit in mare et per uiam qua itur a burgo ad ecclesiam iterum in mare Ex donatione autem domini Ricardi episcopi ecclesiam Sancte Trinitatis in Kilrimund parochialem cum terra Kindargog de qua prefata ecclesia dotata est cum capellis in tota schyra de Kilrimund cum tofta in burgo et domibus in ea edificatis sicut Matheus archidiaconus melius et liberius eas tenuit cum decimis et oblationibus et omnibus rectitudinibus prefate ecclesie iuste pertinentibus tam de Scotis quam de Francis de Anglicis et Flandrensibus infra burgum et extra Terram etiam extra burgum in uico de North apud furcas et apud Turdafche Capellam etiam de Hynchethore cum omnibus eidem capelle iuste pertinentibus Ex donatione Mathei archidiaconi de Sancti Andree Rossinclerach cum rectis diuisis suis et ecclesiam eiusdem uille cum omnibus eidem ecclesie iuste pertinentibus et ea que nobis inde debeantur Ex donatione autem cuiusdam militis nomine Egu filii Hugonis filii Gillemihel comitis de Fif ecclesiam de Markinke cum una tofta ex orientali parte ecclesie et cum decimis et omnibus rectitudinibus eidem ecclesie iuste pertinentibus Ista igitur et quecunque postmodum predicte ecclesie Beati Andree apostoli et canonicis ibidem Deo seruientibus et seruituris collata fuerint libera et quieta esse ab omni exactione decernimus Hanc igitur donationem et concessionem pie memorie Roberti episcopi et piissimi Regis Dauid aui mei et uenerabilis patris mei comitis Henrici necnon et dilecti fratris mei Regis Malcolmi et aliorum fidelium Ego Willelmus dei gratia Rex Scottorum regia auctoritate confirmo et sigilli mei impressione consigno Testibus Ricardo episcopo de Sancti Andree Andree episcopo de Katen Galfrido abbate de Dunfermelin Roberto priore de Mai Nicholao cancellario Matheo archidiacono Ricardo capellano Dunecano comite de Fif Gillebrido comite de Anegus Malcolmo comite de Ethotles Waltero filio Alani Roberto de Quinci Dauid Olifard Gilleberto de Umfrauilla Patricio filio comitis Nies filio Willelmi Ricardo Comin Hugone Ridel Alexandro de Sancto Martino Hugone Gifard Michaele clerico de Berewic Willelmo clerico de Kingor Magistro Hereberto Stephano clerico Ricardo clerico de prebenda Magistro Turpino Hugone clerico de Carel Halano de Lasceles Orm filio Hugonis Gillecrist de Ferteuieth Galfrido de Maleuin Gillemur uenatore Gilleberto de Kinros Gillebride uicecomite de Dunfermelin Alano filio Simundi Apud Dunfermelin