Charter Document - 07470212
| Charter Number: | 07470212 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1178 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia rex Scottorum episcopis abbatibus Comitibus baronibus iusticiis vicecomitibus ministris et omnibus probis hominibus tocius terre sue clericis et laycis salutem Sciant presentes et futuri me concessisse et hac carta mea confirmasse Deo et hospitali Sancti Andree apostoli illam carucatam terre in Chathelach quam Simon filius Michaelis eis in perpetuam elemosinam dedit et Alanus filius suus concessit et confirmauit per eiusdem terre rectas diuisas In pratis et moris et cum communi pastura xxiiii animalium et lxxx Bidentum liberam et quietam ab omni seruicio exaccione seculari et ab omni consuetudine ad predictum Simonem et heredes suos pertinente Ita quod idem Simon et heredes sui terram illam acquietabunt de exercitibus et operacionibus et de omnibus secularibus exaccionibus excepto quod idem hospitale acquietabit illam carucatam terre de Geldo regio quod communiter capietur de terris et de elemosinis per regnum Scocie Quare uolo et precipio ut hospitale predictum elemosinam prenominatam tam libere et quiete plenaria et honorifice teneat et possideat sicut alias elemosinas suas liberius quiecius plenius et honorificencius tenet et possidet et sicut carta Alani filius Simonis testatur et confirmat Testibus Ricardo episcopo de Dunkeld Waltero de Bidunb cancellario Comite Dunecano Ricardo de Moreuill constabulario Waltero de Winles Galfrido de Malleuill apud King