Charter Document - 07470210
| Charter Number: | 07470210 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1178 |
| Date type: | Assigned |
| Resource Link(s): |
People of Medieval Scotland |
Charter:
Willelmus dei gratia rex Scottorum episcopis abbatibus comitibus baronibus iusticiis uicecomitibus ministris et omnibus probis hominibus tocius terre sue clericis et laicis salutem Sciant presentes et futuri me concessisse et hac mea carta confirmasse Deo et ecclesie Sancti Andree apostoli et canonicis ibidem Deo seruientibus et seruituris inperpetuum et hospitali eorum elemosinas quas Ade comitissa mater mea eis specialiter tenendas dedit concessit et confirmauit Scilicet totam terram de Pethmulin quam Malisius tenuit Sicut Hugo Giffard et ceteri probi homines sui eandem terram perambulauerunt et preterea communem pasturam in mhora et preterea terram illam in Karel quam Radulfus de Aluerbas inhabitauit desuper uiam infra aliam uiam que est iuxta toftum abbatis de Dunfermelin et infra ueterem fossam et riuulum et illam terram subtus uiam a toffto Radulfi de Morpat usque in mare per latitudinem unius plenarii tofti ex transuerso Uolo autem et firmiter precipio ut canonici predicti elemosinas predictas teneant et possideant ita libere et quiete plenaria et honorifice ab omni exaccione et seruicio seculari sicut alias elemosinas suas liberius quiecius plenius et honorificencius tenent Et sicut carte Ade comitisse matris mee testantur et confirmant Testibus Ricardo episcopo Dunkeldensi Waltero de Bidun cancellario Dunecano comite Ricardo de Moreuill constabulario Waltero de Windessor Galfrido de Maleuill Johanne de London Willelmo de Mortemer Apud Kingorn