Charter Document - 07470199
| Charter Number: | 07470199 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1160 - 1162 |
| Date type: | Assigned |
| Resource Link(s): |
People of Medieval Scotland |
Charter:
Malcolmus Rex Scottorum omnibus probis hominibus tocius terre sue clericis et laicis salutem Noscant presentes et posteri me concessisse et huius mee carte munimento confirmasse Deo et Sancti Andree necnon et canonicis ibidem Deo seruientibus concessum illum et confirmacionem illam quam Ernaldus predicte sedis presul eisdem canonicis pro amore Dei et pro salute anime sue concessit et carta sua confirmauit scilicet uniuersam oblacionem altaris Sancti Andree que in septem partes in diebus predecessorum suorum diuisa esse solebat obtinendam eis ita libere et quiete sicut aliquod ecclesie beneficium liberius et quiecius optineri debet Testibus Ernaldo episcopo de Sancti Andree Willelmo Morauiensi episcopo Andree episcopo de Cathen Samsone episcopo de Brechin Galfrido abbate de Dunfermelin Aluredo abbate de Striuelin Matheo archidiacono Ricardo capellano Regis Nicholao camerario Comite Feregus Comite Malcolmo Dauid Olifard Merleswano Apud Pert