Charter Document - 07470118
| Charter Number: | 07470118 |
|---|---|
| Cartulary Title: | Liber Cartarum Prioratus Sancti Andree in Scotia |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1205 - 1210 |
| Date type: | Assigned |
| Resource Link(s): |
|
Charter:
Hugo de Lascy comes Ultonie omnibus sancte matris ecclesie filiis presens scriptum visuris vel audituris salutem Noverit universitas vestra nos divini amoris intuitu et pro animabus antecessorum nostrorum et successorum et eorum qui in nostro servicio mortui sunt vel morientur dedisse et concessisse et hac presenti carta nostra confirmasse Deo et beate Marie et ecclesie sancti Andree apostoli in Scocia et canonicis ibidem Deo servientibus et servituris in puram et perpetuam elemosinam in Hybernia ecclesiam de Ruskach et ecclesiam de Karlingeford cum omnibus ecclesiis et capellis tocius Coling et cum omnibus decimis et obvencionibus et omnibus aliis ecclesiasticis beneficiis ad predictas ecclesias et capellas de iure pertinentibus sicut melius et plenius Gillebertus de Lascy frater noster dicta beneficia possedit Et ut hec donacio nostra in posterum rata et inconcussa permaneat eam presentis scripti testimonio et sigilli nostri apposicione com munivimus Hiis testibus domino Waltero de Lascy fratre nostro Gilleberto de Lascy Willelmo de Lascy Ricardo de Tuyt Mathia de thurth Huberto Hose Willelmo clerico