Charter Document - 07461119
| Charter Number: | 07461119 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 - 1272 |
| Date type: | Assigned |
| Resource Link(s): |
Reference Document for this Embedded Document People of Medieval Scotland |
Charter:
Noverint universi paginam inspecturi quod in presentia mei Berardi notarii infrascripti et testium subscriptorum ad hoc specialiter vocatorum et rogatorum Johannes fraser de Glewym clericus Glasguensis dioecesis donavit dedit et concessit Jus patronatus ecclesie de Glewim ejusdem dioecesis et quicquid juris temporalis et spiritualis ipse et ejus predecessores quibus in hac parte successit obtinuerint et habuerint et ipse habet et obtinet cum omnibus juribus et pertinentiis suis Religiosis viris Domino Nicholao Abbati et conventui monasterii sancte Michaelis de Scona ordinis sancti Augustini Sanctiandree dioecesis nomine ipsius monasterii et eidem monasterio sub hac simplicitate verborum Ego Johannes fraser de glewym clericus glasguensis dioecesis incendens et affectans in temporalibus et spiritualibus que obtineo et obtinere debeo et ad me pertinent et pertinere possunt tam ratione persone mee quam ratione illorum antecessorum meorum quibus successi et succedere debeo in hac parte in Ecclesia sancti Cuthberti de glenwym Christum michi heredem substituere etiam me vivente Jus patronatus et quicquid juris mei tam temporalis quam spiritualis esse potest ut superius est expressum dono et concedo libere et voluntarie Religiosis viris domino Nicholao Abbati et conventui monasterii sancti michaelis de Scona ordinis sancti Augustini sancti Andree dioecesis nomine ipsius monasterii et eidem monasterio in remedium peccatorum meorum et illorum quibus in predictis successi meo de cetero amoto dominio et potestate in eos translato ex nunc quiete et pacifice possidenda Siquis autem de genere meo contra hujusmodi piam et licitam donationem meam quoquomodo venire presumpserit vel predictos viros seu monasterium super predictis turbaverit seu impetierit maledictionem omnipotentis dei incurrat et penam dupli valoris predicti juris patronatus eidem monasterio soluere teneatur ab eo sine misericordi a exigendum necnon dampna et expensas quas idem religiosi viri et monasterium fecerint seu sustinuerint teneatur plenaria re farcire predictis donatione seu donationibus nihilominus in suo robore duraturis