Charter Document - 07461117
| Charter Number: | 07461117 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1223 - 1238 |
| Date type: | Assigned |
| Resource Link(s): |
Reference Document for this Embedded Document People of Medieval Scotland |
Charter:
Omnibus has litteras visuris vel audituris Willelmus miseratione divina Ecclesie Sanctiandree minister humilis eternam in domino salutem Noverit universitas vestra nos caritatis intuitu concessisse et presentis scripti patrocinio confirmasse in usus proprios Abbati et Canonicis de Scona omnes ecclesias quas habent in episcopatu Sanctiandree in liberam et perpetuam elemosinam videlicet Ecclesiam de Scona et ejusdem capellas Scilicet de Kynfawnys de Crag et de Rate Ecclesiam de Lyff Ecclesiam de Invergoveryn et Ecclesiam de Logindunde Ecclesiam de Cambusmichel Ecclesiam de Lochorver Ecclesiam de Keringtoun Has autem ecclesias cum capellis et omnibus pertinentiis suis a predecessoribus nostris eisdem caritative confirmatas eis inperpetuum damus et confirmamus Licentiam quoque eis concedimus capellanos quoscunque cum voluerint ydoneos in ipsis ecclesiis retinere et removere Salvis nobis et successoribus nostris Episcopalibus de omnibus ecclesiis prefatis excepta canonica sua de Scona cum capellis suis Quas ab omni exactione et consuetudine episcopali volumus et concedimus esse exemptas Salvo tamen in omnibus jure archidiaconi Sanctiandree Hiis testibus domino Andree episcopo Moraviensi magistro Laurencio Archiepiscopo sanctiandree Petro et Simone capellanis nostris Willelmo de golyn senescallo nostro Simone de rosiaco magistro G de leffewade Stephano de hedun Willelmo de Poteria Johanne arcuret clericis nostris Ricardo de lidel et multis aliis